رەسەي كوممۋنيستىك پارتيا فراكتسياسىنىڭ جەتەكشىسى زيۋگانوۆ مەملەكەتتىك دۋمادا ءسوز سويلەدى. وندا رەسەيدەگى سوڭعى جاعدايلاردان كەيىن ەل ەكونوميكاسىنىڭ ءبىرشاما تومەندەگەنىن ايتا كەتتى، دەپ حابارلايدى «ادىرنا» ءتىلشىسى.
«ەدينايا روسسيانىڭ» ەسىنە سالعىم كەلەدى، ەگەر ءسىز سول كەزدە ءبىزدى تىڭداعانىڭىزدا، شەتەلدىك بانكتەردە 300 ميلليارد دوللار بۇعاتتالماعان بولار ەدى. رەسەيدەن 600 توننا التىن شىعارىلماس ەدى. سوڭعى 8 جىلدا ازاماتتاردىڭ تابىسى 12 پايىزعا تومەندەدى. ال حالىقتىڭ 32 پايىزىنىڭ تابىسى ەڭ تومەنگى كۇنكورىس دەڭگەيىنە دە جەتپەيدى. مۇنداي جاعدايدا ءومىر ءسۇرۋ مۇمكىن ەمەس. ەلدىڭ جويىلۋىن قالاي توقتاتۋعا بولادى؟»، - دەدى زيۋگانوۆ.
سونىمەن قاتار، ول مۇناي-گاز سالاسىندا دا قۇرال-جابدىقتاردىڭ توزۋى 60 پايىزعا جەتكەنىن ايتا ءوتتى. ايتۋىنشا، تۇرعىن ءۇي-كوممۋنالدىق شارۋاشىلىق سالاسى نەگىزگى كاپيتالدىڭ 30 پايىزىن قۇرايدى. ال ينجەنەرلىك جەلىلەردە سوڭعى 20 جىلدا اپات كورسەتكىشى 5-6 ەسەگە وسكەن.
«ينجەنەرلىك ماماندىقتىڭ بەدەلى ءتۇستى. ينجەنەرسىز ماشينا مەن قۇرال-جابدىق جوق. مۇعالىم جانە دارىگەر ماماندىعىنىڭ دا بەدەلىن جوق. قۇدايعا شۇكىر، اسكەري ماماندىقتىڭ بەدەلى از دا بولسا قالپىنا كەلتىرىلدى»، - دەدى ول مەملەكەتتىك دۋمادا.
زيۋگانوۆ بۇدان بولەك، ورىس ءتىلىنىڭ قولدانۋ اياسى ءتۇسىپ بارا جاتقانىن مالىمدەدى.
«نە بىزدە بارلىق قۇندىلىقتارىمەن ورىس الەمى بولادى، نەمەسە ولار بىزگە امەريكانى تانىتادى. ماسكەۋدى ارالاپ قاراساڭىز، جارتىسى اعىلشىن تىلىندە سويلەيدى. ورىس ءتىلىن مۇنداي قورلاۋعا نەگە جول بەرەدى؟»، - دەپ مالىمدەدى.
«ادىرنا» ۇلتتىق پورتالى
