Coca-Cola Hellenic Bottling Company (HBC) رەسەيدە Coca-Cola Company برەندتەرىمەن سۋسىنداردى ءوندىرۋدى جانە ساتۋدى توقتاتادى. بۇل تۋرالى REUTERS ءوندىرۋشىنىڭ رەسمي مالىمدەمەسىنە سىلتەمە جاساپ جاريالادى، دەپ حابارلايدى “ادىرنا” ۇلتتىق پورتالى.
قازىرگى ۋاقىتتا كومپانيا قويمالارداعى سۋسىنداردىڭ قورىن ساتۋدا.
«قورلار تاۋسىلعاننان كەيىن، Coca-Cola HBC رەسەيدە Coca-Cola نەمەسە The Coca-Cola كومپانياسىنىڭ باسقا برەندتەرىن بۇدان بىلاي وندىرمەيدى جانە ساتپايدى»، - دەلىنگەن حابارلامادا.
اگەنتتىكتىڭ اقپاراتىنا سايكەس، مامىر ايىنداعى مالىمدەمەسىندە كومپانيا 8 ناۋرىزدىڭ وزىندە كونتسەنتراتقا تاپسىرىس بەرۋ توقتاتىلعانىن حابارلادى. ءوندىرۋشى جەرگىلىكتى رەسەيلىك برەندتەرگە نازار اۋداراتىنىن ايتتى.
”ادىرنا” ۇلتتىق پورتالى
