استانادا تەمەكى تۇقىلىنان شىققان ورتتەن ءۇش ادام كوز جۇمدى. بۇل تۋرالى توتەنشە جاعدايلار مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
اقپاراتقا سۇيەنسەك، بۇگىن تۇنگى ساعات 01:25-تە استانا قالاسىنىڭ ءورت ءسوندىرۋ قىزمەتىنە تيتوۆ كوشەسى، 25 مەكەنجايىندا ءورت شىققانى تۋرالى حابارلاما تۇسكەن.
ءورت ءسوندىرۋ بولىمشەلەرى وقيعا ورنىنا كەلگەن ۋاقىتتا ەكىپاتەرلى تۇرعىن ۇيدە 70 ش.م. الاڭدا ءورت بولىپ جاتتى. ءورت سوندىرۋشىلەر جانىپ جاتقان ۇيدەن 1970 جىلى تۋعان ەر ادامدى قۇتقارىپ، ورتاشا دارەجەدەگى ۋلى گازدان ۋلانۋ دياگنوزىمەن اۋرۋحاناعا جەتكىزىلدى. ءورت سوندىرۋشىلەر بارلاۋ جانە ءورتتى ءسوندىرۋ بارىسىندا 1983 جانە 1970 جىلدارى تۋعان ەكى ەر ادامنىڭ جانە 1971 جىلى تۋعان ايەلدىڭ دەنەسىن تاپتى، – دەيدى تجم رەسمي وكىلى جاننا داۋرەنبەكوۆا.
ءورت ساعات 02:55-تە تولىعىمەن سوندىرىلگەن. ءورتتى سوندىرۋگە جەكە قۇرامنان 15 ادام مەن 3 تەحنيكا جۇمىلدىرىلدى.
الدىن الا بولجام بويىنشا ءورتتىڭ شىعۋىنا سوندىرىلمەگەن تەمەكى تۇقىلى سەبەپ بولۋى مۇمكىن.
