بەلگىلى جۋرناليست، "زەيىن اتىراۋ" ەرەكشە بالالاردى وڭالتۋ ورتالىعىنىڭ نەگىزىن قالاعان ارايلىم باعىتجان انتالياداعى ءىرى جول اپاتىنا ءتۇسىپ، ومىردەن ءوتتى، دەپ حابارلايدى “ادىرنا”.
ارايلىم باعىتجان تۇركيادا جول اپاتىنان قايتىس بولدى. ول وتباسىمەن بىرگە 3 كۇن بۇرىن تۇركيانىڭ انتاليا قالاسىنا دەمالىسقا بارعان. بۇل تۋرالى Facebook جەلىسىندەگى پاراقشاسىندا بولىسكەن.
“3 اي جازدا توقتاۋسىز جۇمىس جاساپ، دەمالاتىن ۋاقىت بولماي، كەشە عانا وتباسىمىزبەن تۇركياعا دەمالىسقا كەلدىك. سەرۆيس مىقتى. تەڭىز جاعاسى. ءسوز جوق. ۇناپ جاتىر”،-دەپ جازبا قالدىرعان.
ال ارايلىم باعىتجاننىڭ قايتىس بولعانى تۋرالى سۋىق حاباردى ارىپتەسى جاسۇلان بيسەمبيەۆ حابارلادى.
“ارىپتەسىمىزبەن بىرگە كىشكەنتاي ءسابيى دە و دۇنيەلىك بولدى. جولداسى قيىن جاعدايدا اۋرۋحانادا جاتىر. قازىرگى ۋاقىتتا تۇركياداعى قازاقستان ەلشىلىگىمەن ارادا كەلىسىمدەر جۇرگىزىلىپ، اۋرۋحانادا قيىن جاعدايدا جاتقان باۋىرىمىزدىڭ ءتيىستى ەم الۋىنا جاعداي جاسالۋدا. جەرلەستەرىمىزدىڭ سۇيەگىن ەلگە الدىرۋ بويىنشا جۇمىس جۇرگىزىلۋدە”،- دەپ مارقۇمنىڭ وتباسىنا كوڭىل ايتتى.
ۇقساس جاڭالىقتار
