ەلىمىزدە كونستيتۋتسيالىق جانە ساياسي زەرتتەۋلەر ينستيتۋتى اشىلدى

قازاقستان رەسپۋبليكاسىنىڭ كونستيتۋتسياسى كۇنى قارساڭىندا Maqsut Narikbayev University قابىرعاسىندا كونستيتۋتسيالىق قۇقىق عىلىمي مەكتەبىنىڭ نەگىزىندە كونستيتۋتسيالىق جانە ساياسي زەرتتەۋلەر ينستيتۋتى ىسكە قوسىلۋدا. ينستيتۋتتىڭ ماقساتى ۋنيۆەرسيتەتتىڭ جەتەكشى كونستيتۋتسيوناليست عالىمدارىمەن ىرگەلى جانە قولدانبالى زەرتتەۋلەر جۇرگىزۋ، كونستيتۋتسيالىق قۇقىق، مەملەكەتتىك باسقارۋ جانە ساياسات، ءارى وسىمەن بايلانىستى سالالار بويىنشا ءبىلىم بەرۋ باعدارلامالارىن ازىرلەۋ جانە قولدانىسقا ەنگىزۋ. ينستيتۋت قىزمەتىنىڭ نەگىزگى باعىتتارى: – كونستيتۋتسيالىق ينستيتۋتتار، ادام قۇقىقتارى، مەملەكەتتىك ساياسات، باسقارۋ جانە ونىمەن بايلانىستى سالالار بويىنشا زەرتتەۋلەر جۇرگىزۋ; – كونستيتۋتسيالىق قۇقىق، مەملەكەتتىك باسقارۋ جانە ساياسات سالاسىنداعى ۇلتتىق جانە حالىقارالىق گرانتتىق عىلىمي جوبالار كونكۋرستارىنا قاتىسۋ; – ۋنيۆەرسيتەت ستۋدەنتتەرى، ماگيسترانتتارى جانە دوكتورانتتارىمەن عىلىمي-زەرتتەۋ جۇمىسىنىڭ ءارتۇرلى نىساندارىن ۇيىمداستىرۋ، ستۋدەنتتەردىڭ اراسىندا ۋنيۆەرسيتەت ىشىندەگى، جووارالىق كونكۋرستار، حالىقارالىق كونفەرەنتسيالار، training sessions جانە workshops وتكىزۋ; – Public Policy / Public Administration باعدارلاماسىن جۇزەگە اسىرۋ اياسىندا ءبىلىم بەرۋ باعدارلامالارىن ازىرلەۋگە جانە وقىتۋ كۋرستارىن وتكىزۋگە قاتىسۋ; – ۇلتتىق جانە حالىقارالىق ۇيىمدار جانە ماماندارمەن، سونىڭ ىشىندە باسقا مەكەمەلەردە قۇرىلعان مامانداندىرىلعان ينستيتۋتتار جانە ورتالىقتارمەن ىنتىماقتاستىق. ينستيتۋت ديرەكتورى ينديرا ورالقىزىنىڭ ايتۋىنشا، اتالمىش ينستيتۋت ەلىمىزدەگى كونستيتۋتسيالىق رەفورمانى جۇزەگە اسىرۋ جانە دامىتۋ ماقساتىندا اشىلۋدا. اۋباكىروۆا ينديرا ورالقىزى، زاڭ عىلىمدارىنىڭ دوكتورى، MNU قۇقىق مەكتەبىنىڭ قاۋىمداستىرىلعان پروفەسسورى، ساياسي-قۇقىقتىق جانە جاريا قۇقىق ماسەلەلەرى بويىنشا 180-نەن استام عىلىمي ەڭبەكتەردىڭ اۆتورى. قازاقستاننىڭ قۇرمەتتى زاڭگەرى. م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ شاقىرىلعان پروفەسسورى. قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ بويىنشا ۇسىنىستار ازىرلەۋ جونىندەگى جۇمىس توبىنىڭ مۇشەسى (2022), قازاقستان رەسپۋبليكاسى پرەزيدەنتىنىڭ جانىنداعى عىلىم جانە تەحنيكا جونىندەگى ۇلتتىق كەڭەستىڭ مۇشەسى، قر وسك جانىنداعى ساراپتامالىق كەڭەستىڭ مۇشەسى. «بولاشاق» باعدارلاماسىنىڭ تۇلەگى (دوكتور دارەجەسى). قوسىمشا اقپارات: +7 (747) 926-02-60 (ايدار), +7 (776) 107-01-76 (گۇلجانات). e-mail: PR@kazguu.kz