قر ۇكىمەتىنىڭ 2017 جىلعى 31 قازانداعى №689 قاۋلىسىمەن بەكىتىلگەن قر مەرەكەلىك كۇندەردىڭ تىزبەسىنە سايكەس 5 قىركۇيەك - قازاقستان حالقى تىلدەرى كۇنى مەرەكەسى بولىپ بەكىتىلگەن.
5 قىركۇيەك كۇنى كەگەن اۋداندىق مادەنيەت ۇيىندە «ءتىل فەستيۆالى 2023 جىل» ءوتتى. ءىس-شارانىڭ باستى ماقساتى مەملەكەتتىك ءتىلدىڭ مارتەبەسىن كوتەرۋ، ءتىل احۋالىنا جەتە كوڭىل ءبولۋ جانە ءتىل ساياساتىن ىسكە اسىرۋ بولىپ تابىلادى.
ءتىل فەستيۆالىنە ارنايى قازاقستان رەسپۋبليكاسى عىلىم جانە جوعارى ءبىلىم مينيسترلىگى ءتىل ساياساتى كوميتەتىنىڭ لينگۆيستيكالىق باسقارماسىنىڭ باس ساراپشىسى جانار بولاتقىزى اسانوۆا، كەگەن اۋدانىنىڭ اكىمى نۇرباقىت مولداحمەتۇلى تەڭىزباەۆ، قازاق كومپوزيتورى، كۇيشى، دومبىراشى، قازاقستاننىڭ ەڭبەك سىڭىرگەن ءارتىسى سەكەن كارىمۇلى تۇرىسبەكوۆ، وبلىستىق تىلدەردى دامىتۋ جونىندەگى باسقارما باسشىسى دانيار دۇيسەنبىۇلى احمەتوۆ، وبلىسىمىزعا تانىمال، زيالى قاۋىم وكىلدەرى قاليمولدا بايبولوۆ، ءتىل جاناشىرى كامنۇر ءتالىمۇلى، ءدىنتانۋشى، ءتىل جاناشىرى كەرىمباي سانجار، ايبەك ءنابي، سونىمەن قاتار اۋدان، قالا اكىمدەرىنىڭ وسى سالاعا جەتەكشىلىك ەتەتىن ورىنباسارلارى، تىلگە جاۋاپتى ءبولىم باسشىلارى مەن ماماندارى، ۇيىم توراعالارى مەن ءتورايىمدارى، جاستار وكىلدەرى قاتىستى.
الماتى وبلىسىنىڭ «ءتىل» وقۋ-ادىستەمەلىك ورتالىعى ماماندارى ازىرلەگەن ەرەسەك تۇلعالاردى وقىتۋعا باعىتتالعان «الاتاۋ» وقۋ-ادىستەمەلىك كەشەنىنىڭ باستاپقى دەڭگەيگە ارنالعان وقۋ قۇرالىنىڭ تۇساۋكەسەرى ءوتتى.
وسى ورايدا، ءتىل ساياساتىن ىسكە اسىرۋ بارىسىندا بەلسەندىلىك تانىتىپ جۇرگەن ءتىل جاناشىرلارىن قر عىلىم جانە جوعارى ءبىلىم ءمينيسترىنىڭ جانە الماتى وبلىسى اكىمىنىڭ قۇرمەت گراموتالارى، العىس حاتتارىمەن ماراپاتتالدى.
اتالمىش مەرەكەدە قازاق كومپوزيتورى، كۇيشى، دومبىراشى، قازاقستاننىڭ ەڭبەك سىڭىرگەن ءارتىسى سەكەن كارىمۇلى تۇرىسبەكوۆ، الماتى وبلىستىق تىلدەردى دامىتۋ جونىندەگى باسقارما باسشىسى دانيار دۇيسەنبىۇلى احمەتوۆ جانە كەگەن اۋدانىنىڭ اكىمى نۇرباقىت مولداحمەتۇلى تەڭىزباەۆقا قۇتتىقتاۋ ءسوز كەزەگى بەرىلدى.
شارا قازاقستان لەنين كومسومولى سىيلىعىنىڭ لاۋرەاتى، پاراسات جانە قۇرمەت وردەندەرىنىڭ يەگەرى، "كوڭىل تولقىنى" كۇيىنىڭ اۆتورى سەكەن تۇرىسبەكوۆتىڭ سۇيەمەلدەۋىمەن ءسۇيىنباي اتىنداعى الماتى وبلىستىق فيلارمونيا جانىنداعى «اقجاۋىن» ءانسامبلىنىڭ ونەرىمەن جالعاسىن تاپتى.
