ۇقك: "تۇركىستانداعى ياسcاۋي كەسەنەسىن جارۋ ارەكەتىنىڭ جولى كەسىلدى"

3180
Adyrna.kz Telegram
https://adyrna.kz/content/uploads/2023/09/71af2188-c556-41e6-b0de-397c8f19162b.jpeg

قازاقستان ۇلتتىق قاۋىپسىزدىك كوميتەتى توراعاسىنىڭ ورىنباسارى رۋسلان سەيسەمباەۆ بيىلعى جىلى ەلىمىزدىڭ اۋماعىندا جاسالعان لاڭكەستىك ارەكەتتەرگە توقتالىپ ءوتتى، دەپ حابارلايدى “ادىرنا” ۇلتتىق پورتالى قازاقپاراتقا سىلتەمە جاساپ.

- وسى كەزەڭدە تەرروريزم قاۋپىنىڭ كۇشەيۋى تىكەلەي قازاقستاندا تۇراقتى بولىپ وتىر. جىل سايىن كەم دەگەندە ەكى لاڭكەستىك ارەكەتتىڭ الدى الىنادى، - دەدى رۋسلان سەيسەمباەۆ شانحاي ىنتىماقتاستىق ۇيىمىنىڭ ايماقتىق انتيتەررورلىق قۇرىلىمى (شىۇ اتق ) كەڭەسىنىڭ 40-شى وتىرىسىندا.

سونداي-اق، ول وتكەن بىرنەشە وقيعاعا مىسال كەلتىردى.

- تەك بيىل عانا دايىندىقتىڭ باستاپقى كەزەڭىندە تۇركىستانداعى قوجا احمەت ياسcاۋي كەسەنەسىنە قولدان جاسالعان جارىلعىش زاتتى جارۋ ارەكەتىنىڭ، سونداي-اق استاناداعى ادام كوپ جينالاتىن جەرلەردە قارۋلى شابۋىلدىڭ جولى كەسىلدى. بىزگە كەلىپ تۇسكەن اقپارات شىۇ-عا مۇشە مەملەكەتتەرگە تەرروريستىك قاۋىپتەردىڭ قالىپتاسۋى بىرقاتار باسىم فاكتورلاردىڭ اسەرىنەن ورىن الادى دەگەن قورىتىندى جاساۋعا مۇمكىندىك بەرەدى، - دەدى ۇلتتىق قاۋىپسىزدىك كوميتەتىنىڭ وكىلى.

ايتا كەتەيىك، وتىرىسقا قازاقستان  ۇلتتىق قاۋىپسىزدىك كوميتەتىنىڭ توراعاسى ەرمەك ساعىمباەۆ تا قاتىستى.

پىكىرلەر