Qazaqstan Ūlttyq qauıpsızdık komitetı töraǧasynyŋ orynbasary Ruslan Seisembaev biylǧy jyly elımızdıŋ aumaǧynda jasalǧan laŋkestık äreketterge toqtalyp öttı, dep habarlaidy “Adyrna” ūlttyq portaly QazAqparatqa sılteme jasap.
- Osy kezeŋde terrorizm qaupınıŋ küşeiuı tıkelei Qazaqstanda tūraqty bolyp otyr. Jyl saiyn kem degende ekı laŋkestık ärekettıŋ aldy alynady, - dedı Ruslan Seisembaev Şanhai yntymaqtastyq ūiymynyŋ aimaqtyq antiterrorlyq qūrylymy (ŞYŪ ATQ ) keŋesınıŋ 40-şy otyrysynda.
Sondai-aq, ol ötken bırneşe oqiǧaǧa mysal keltırdı.
- Tek biyl ǧana daiyndyqtyŋ bastapqy kezeŋınde Türkıstandaǧy Qoja Ahmet Iаscaui kesenesıne qoldan jasalǧan jarylǧyş zatty jaru äreketınıŋ, sondai-aq Astanadaǧy adam köp jinalatyn jerlerde qaruly şabuyldyŋ joly kesıldı. Bızge kelıp tüsken aqparat ŞYŪ-ǧa müşe memleketterge terroristık qauıpterdıŋ qalyptasuy bırqatar basym faktorlardyŋ äserınen oryn alady degen qorytyndy jasauǧa mümkındık beredı, - dedı Ūlttyq qauıpsızdık komitetınıŋ ökılı.
Aita keteiık, otyrysqa Qazaqstan Ūlttyq qauıpsızdık komitetınıŋ töraǧasy Ermek Saǧymbaev ta qatysty.
