سارىاعاش اۋدانىندا كىسى قولىنان زورلىق كورىپ قايتىس بولعان 5 جاسار قىزدىڭ اكەسى ۇكىمەتكە ۇندەۋ تاستادى. ءوز جانىن جەگىدەي جەگەن نۇرجان ەرەجەپوۆتىڭ حابارلاۋىنشا، قازىرگى ۋاقىتتا سوتتالعان پەدوفيلدىڭ ءۇيى ماسكۇنەمدەر مەن ءۇيسىز-كۇيسىزدەردىڭ ورداسىنا اينالعان. ول قايعىلى جاعداي تاعى قايتالانا ما دەپ قاۋىپتەنەدى. بۇل جايلى "ادىرنا" ۇلتتىق پورتالى جازدى.
سارىاعاشتا قازا تاپقان قىزدىڭ اكەسى نۇرجان ەرەجەپوۆ ءوز سوزىندە قىلمىسكەردىڭ ءۇيىن قيراتۋدى تالاپ ەتتى:
"پەدوفيلدىڭ ءۇيى قازىر ماسكۇنەمدەردىڭ ورداسىنا اينالعان. بىرنەشە كۇن بۇرىن كورشىلەرىم ماعان قوڭىراۋ شالىپ، وندا جارىق جانىپ تۇرعانىن جەتكىزدى. كورشىلەرىم ول ۇيگە باس سۇعىپ، اراقتىڭ شولمەگى مەن ستاقاندار جاتقانىن كورىپتى. بىراق ەشكىم بولماعان. بۇل ءۇي قازىردىڭ وزىندە ماسكۇنەمدەردىڭ يەكتەيتىن جەرىنە اينالعان. ءبىز ۇكىمەتتەن بۇل ءۇيدى تولىعىمەن ءسۇرىپ، ال جەر تەلىمىن ءوز بالانسىنا الۋدى سۇرايمىز. حالىققا پايدا اكەلەتىن ورىن بولسىن. بۇل ءۇيدى مىندەتتى تۇردە قيراتۋ كەرەك، ماعان ونىڭ ءۇيىن بۇزامىز دەپ تە ۋادە بەرگەن. ءۇي وتە ەسكى، وندا ءومىر ءسۇرۋ مۇمكىن ەمەس. القاشتاردىڭ جىن-ويناعى دەسە دە بولادى", - دەيدى اكە.ەسكە سالا كەتەيىك، 2023 جىلدىڭ 13 شىلدەسىندە تۇركىستان وبلىسى، سارىاعاش اۋدانى، جىبەك جولى (چەرنياەۆكا) اۋىلىندا 2018 جىلى تۋعان، بەس جاسار ءبۇلدىرشىن قىزدى ايۋاندىقپەن زورلاپ، ولتىرگەن وقيعا تىركەلدى.
بۇرىن ادام ولتىرگەنى ءۇشىن قر قك-ءنىڭ 106-بابى بويىنشا سوتتالعان، سونىمەن قاتار ناشاقورلارعا قاتىستى پروباتسيالىق باقىلاۋدا تۇرعان 1975 ج.ت. ازامات كۇدىكتى رەتىندە قاماۋعا الىندى.
تۇركىستان وبلىسى سارىاعاش اۋدانىندا بەس جاسار قىزدى ءولتىردى دەگەن كۇدىكتىنىڭ بۇرىن ەكى رەت سوتتى بولعانى بەلگىلى بولدى.7 قىركۇيەكتە تۇركىستان وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتى سارىاعاش اۋدانى جىبەك جولى اۋىلىندا 5 جاسار قىزدىڭ ولىمىنە كۇدىكتى دەپ قامالعان 48 جاستاعى سايدوليم گايبنازاروۆتى «ادام ءولتىرۋ» جانە «سەكسۋالدىق سيپاتتاعى زورلىق-زومبىلىق ارەكەتتەرى» بابىمەن كىنالى دەپ تاۋىپ، ءومىر بويىنا تۇرمە جازاسىن كەستى. سوت ۇكىمى كۇشىنە ەنگەننەن سوڭ سوتتالۋشىعا كاستراتسيا جاسالاتىن بولدى. سوت بۇعان قوسا، ايىپتالۋشىنى جابىرلەنۋشى جاققا 100 ملن تەڭگە كولەمىندە مورالدىق وتەماقى تولەۋگە مىندەتتەدى.
"ادىرنا" ۇلتتىق پورتالى
شىمكەنت
سوت ۇكىمى
بالا قۇقىعى
پەدوفيل
وڭتۇستىك قازاقستان
ساراعاشتاعى جاعداي
بەس جاسار قىز
نۇرجان ەرەجەپوۆ
