Saryaǧaş audanynda kısı qolynan zorlyq körıp qaitys bolǧan 5 jasar qyzdyŋ äkesı ükımetke ündeu tastady. Öz janyn jegıdei jegen Nūrjan Erejepovtyŋ habarlauynşa, qazırgı uaqytta sottalǧan pedofildıŋ üiı maskünemder men üisız-küisızderdıŋ ordasyna ainalǧan. Ol qaiǧyly jaǧdai taǧy qaitalana ma dep qauıptenedı. Būl jaily "Adyrna" ūlttyq portaly jazdy.
Saryaǧaşta qaza tapqan qyzdyŋ äkesı Nūrjan Erejepov öz sözınde qylmyskerdıŋ üiın qiratudy talap ettı:
"Pedofildıŋ üiı qazır maskünemderdıŋ ordasyna ainalǧan. Bırneşe kün būryn körşılerım maǧan qoŋyrau şalyp, onda jaryq janyp tūrǧanyn jetkızdı. Körşılerım ol üige bas sūǧyp, araqtyŋ şölmegı men staqandar jatqanyn körıptı. Bıraq eşkım bolmaǧan. Būl üi qazırdıŋ özınde maskünemderdıŋ iekteitın jerıne ainalǧan. Bız Ükımetten būl üidı tolyǧymen sürıp, al jer telımın öz balansyna aludy sūraimyz. Halyqqa paida äkeletın oryn bolsyn. Būl üidı mındettı türde qiratu kerek, maǧan onyŋ üiın būzamyz dep te uäde bergen. Üi öte eskı, onda ömır süru mümkın emes. Alqaştardyŋ jyn-oinaǧy dese de bolady", - deidı äke.Eske sala keteiık, 2023 jyldyŋ 13 şıldesınde Türkıstan oblysy, Saryaǧaş audany, Jıbek joly (Cherniaevka) auylynda 2018 jyly tuǧan, bes jasar büldırşın qyzdy aiuandyqpen zorlap, öltırgen oqiǧa tırkeldı.
Būryn adam öltırgenı üşın QR QK-nıŋ 106-baby boiynşa sottalǧan, sonymen qatar naşaqorlarǧa qatysty probasiialyq baqylauda tūrǧan 1975 j.t. azamat küdıktı retınde qamauǧa alyndy.
Türkıstan oblysy Saryaǧaş audanynda bes jasar qyzdy öltırdı degen küdıktınıŋ būryn ekı ret sotty bolǧany belgılı boldy.7 qyrküiekte Türkıstan oblystyq qylmystyq ıster jönındegı mamandandyrylǧan audanaralyq soty Saryaǧaş audany Jıbek joly auylynda 5 jasar qyzdyŋ ölımıne küdıktı dep qamalǧan 48 jastaǧy Saidolim Gaiibnazarovty «Adam öltıru» jäne «Seksualdyq sipattaǧy zorlyq-zombylyq äreketterı» babymen kınälı dep tauyp, ömır boiyna türme jazasyn kestı. Sot ükımı küşıne engennen soŋ sottaluşyǧa kastrasiia jasalatyn boldy. Sot būǧan qosa, aiyptaluşyny jäbırlenuşı jaqqa 100 mln teŋge kölemınde moraldyq ötemaqy töleuge mındettedı.
"Adyrna" ūlttyq portaly
Ūqsas jaŋalyqtar
Şymkent
sot ükımı
bala qūqyǧy
pedofil
oŋtüstık qazaqstan
saraǧaştaǧy jaǧdai
bes jasar qyz
Nūrjan Erejepov
