دونباسسقا بارىپ، سوعىستى قولداعان. قازاقستاندىقتار رەسەيلىك ازىلكەشتەردىڭ كەشىنىڭ وتپەۋىن تالاپ ەتۋدە

3908
Adyrna.kz Telegram
https://adyrna.kz/content/uploads/2023/09/3e3bc3e3-5349-4e5b-adba-ce1ad1d34645.jpeg

رەسەي ازىلكەشتەرى ازامات مۇساعاليەۆ پەن دەنيس دوروحوۆ دونەتسك وبلىسىنداعى (دحر) ساۋر-موگيلا مەموريالدىق كەشەنىندە دونباسستى ازات ەتۋدىڭ 80 جىلدىعىنا ارنالعان كونتسەرتكە قاتىستى. بۇل تۋرالى NEXTA Live تەلەگرام ارناسى جاريالادى، دەپ حابارلايدى “ادىرنا” ۇلتتىق پورتالى.

جەلىدە «كامىزياكي» كۆن كومانداسىنىڭ مۇشەلەرى كونتسەرتتەن كەيىن جەرگىلىكتى تۇرعىندارعا اماندىق تىلەپ، ءسوز سويلەگەن ۆيدەوسى پايدا بولدى.

كەيىن ازىلكەشتەردىڭ جازىلۋشىلارى ولاردىڭ دحر اۋماعىنا ساپارىن ءارتۇرلى قابىلدادى. ازامات مۇساعاليەۆ پىكىرلەردى جاۋىپ تاستاعاندىقتان، جازىلۋشىلار دەنيس دوروحوۆتىڭ جازباسىنىڭ استىنا وسى ساپارعا قاتىستى ءوز پىكىرلەرىن قالدىرادى. قازىردىڭ وزىندە مىڭنان استام پىكىر بار.

بىرەۋلەر ارتىستەردى قولدايدى، ەندى بىرەۋلەر ولاردى «ساتىلۋشىلار» دەپ اتايدى.

قازاقستاندىق كوپتەگەن جازىلۋشىلار كامىزياكوۆ كومانداسى قازان ايىنىڭ باسىندا جوسپارلاعان استانا مەن الماتىداعى كونتسەرتتەردىڭ توقتاتىلۋىن تالاپ ەتۋدە.

«قازاقستانعا كەلمەڭدەر»، «قازاقستاندا سىزگە جانە ازاماتقا جول جابىق!!!»، «العا قازاقستان! !! ءوز باسىم سەنىڭ ەلىمە كەلۋىڭە قارسى

بولامىن!»، «ازاماتتان كۇتكەن جوقپىز»، دەگەن پىكىرلەر كوپ.

سونداي-اق، بەلگىلى تەلەجۇرگىزۋشى الماس التاي Facebook پاراقشاسىنا دونباسسقا بارىپ، رەسەيدىڭ باسقىنشىلىق سوعىسىن ءادىل مايدان رەتىندە دارىپتەپ جۇرگەن ازىلكەشتەردىڭ كونتسەرتى وتپەۋىن تالاپ ەتتى.

ء"يا، قانىم قازاق. الايدا، مەن رەسەيدە تۋدىم، مەنىڭ وتانىم - رەسەي. مەنى "ەتنيكالىق قازاق" دەپ قازاققا تارتۋدىڭ ەش ماعىناسى جوق، مەن ورىسپىن.

قازاقستاندا جانكۇيەرلەرىمىز كوپ، مەن بۇعان قۋانام. الايدا، قازاقستانعا دەگەن سەزىمىم سول بەلورۋسقا دەگەن سەزىمنەن ارتىق ەمەس..." دەپتى ازامات مۋساگاليەۆ دەگەن سايقىمازاق "قازاق".

جەتىنشى قازان كۇنى وسى جىگىتتەر استانادا كونتسەرت بەرمەك كورىنەدى. بيلەتتەر 22 000 - 45 000₸ ارالىعىندا. دونباسسقا بارىپ، رەسەيدىڭ باسقىنشىلىق سوعىسىن ءادىل مايدان رەتىندە دارىپتەپ جۇرگەن بۇندايلارعا استانا ساحناسىندا ورىن بولماۋى كەرەك! جەڭىس قاسىمبەك، بار بولساڭىز، دەرەۋ توقتاتىڭىز!”، دەپ جازدى ول.
پىكىرلەر