11 قىركۇيەك كۇنى Aدىرنا ۇلتتىق پورتالىندا «بقو قوعامدىق دامۋ باسقارماسىنىڭ جاڭا باسشىسى جۇمىسىن كرەسلو ساتىپ الۋدان باستادى» دەگەن تاقىرىپپەن ماقالا جاريالانعان ەدى. سول ماتەريالعا قاتىستى باتىس قازاقستان وبلىستىق قوعامدىق دامۋ باسقارماسىنىڭ ءباسپاسوز قىزمەتى پىكىر ءبىلدىردى، - دەپ حابارلايدى ادىرنا پورتالىنىڭ ءتىلشىسى.
باسقارمانىڭ ءباسپاسوز قىزمەتى وبلىستىق مەكەمەنىڭ ماتەريالدىق-تەحنيكالىق بازاسىن تۇبەگەيلى نىعايتۋ كەرەكتىگىن مالىمدەگەن.
"قوعامدىق دامۋ باسقارماسىنىڭ كەڭسە جيھازدارى 2003-2004 جىلدارى ساتىپ الىنعان جانە بۇگىنگى كۇنى جيھازدىڭ توزۋى - 95 پايىزعا جەتكەن" دەيدى اتالعان مالىمدەمەدە.
سول سەبەپتى وسى جىلدىڭ باسىندا قىزمەت ەتۋ مەرزىمى 20 جىلدان اسىپ كەتكەن بىرقاتار قۇرال-جابدىقتارعا مەملەكەتتىك ساتىپ الۋ ادىسىمەن كونكۋرس وتكىزۋ مۇمكىندىگى قاراستىرىلعان.
"ونىڭ ىشىندە، باسشى كرەسلوسى (قۇنى 200 مىڭ تەڭگە), جۇمىس بابىندا پايدالانۋ ءۇشىن تەلەفون-كوممۋتاتور (قۇنى 150 مىڭ تەڭگە) جانە باسقارما قىزمەتكەرلەرى جۇمىس بابىندا قولدانۋ ءۇشىن 4 ايعا اۆتوكولىكتى جالعا الۋ (قۇنى 1,081 مىڭ تەڭگە) سەكىلدى تەندەر جاريالانىمدارى بار".
اۆتوكولىكتى جالعا الۋعا قاتىستى مەملەكەتتىك ساتىپ الۋ باسقارمانىڭ بالانسىنداعى 2017 جىلعى Renault logan اۆتوكولىگى جۇمىسقا مۇلدەم جارامسىز بولىپ قالۋىنا بايلانىستى جاريالانعان. سونىمەن قاتار، ءباسپاسوز قىزمەتى جوعارىدا كورسەتىلگەن مەملەكەتتىك ساتىپ الۋلاردى وتكىزۋدىڭ مۇمكىندىگى بۇرىننان قاراستىرىلىپ كەلە جاتقانىن مالىمدەگەن.
رەسمي جاۋاپتا: "اتالعان قۇرال-جابدىقتاردى ساتىپ الۋ جوسپارلى تۇردە جانە قر قارجى مينيسترلىگىنىڭ 2016 جىلعى 10 اقپانداعى №59 بۇيرىعىنا سايكەس جۇزەگە اسىرىلدى" دەلىنگەن.
بقو قوعامدىق دامۋ باسقارماسى مەكەمەدەگى جيھازداردىڭ 95 پايىزىن جاڭارتۋ ماقساتىندا 2024 جىلعى بيۋدجەتتىك كوميسسياعا وتىنىمدەر دايىنداپ جاتقانىن دا تىلگە تيەك ەتكەن.
ادىرنا ۇلتتىق پورتالى
