11 qyrküiek künı Adyrna ūlttyq portalynda «BQO Qoǧamdyq damu basqarmasynyŋ jaŋa basşysy jūmysyn kreslo satyp aludan bastady» degen taqyryppen maqala jariialanǧan edı. Sol materialǧa qatysty Batys Qazaqstan oblystyq Qoǧamdyq damu basqarmasynyŋ baspasöz qyzmetı pıkır bıldırdı, - dep habarlaidy Adyrna portalynyŋ tılşısı.
Basqarmanyŋ baspasöz qyzmetı oblystyq mekemenıŋ materialdyq-tehnikalyq bazasyn tübegeilı nyǧaitu kerektıgın mälımdegen.
"Qoǧamdyq damu basqarmasynyŋ keŋse jihazdary 2003-2004 jyldary satyp alynǧan jäne bügıngı künı jihazdyŋ tozuy - 95 paiyzǧa jetken" deidı atalǧan mälımdemede.
Sol sebeptı osy jyldyŋ basynda qyzmet etu merzımı 20 jyldan asyp ketken bırqatar qūral-jabdyqtarǧa memlekettık satyp alu ädısımen konkurs ötkızu mümkındıgı qarastyrylǧan.
"Onyŋ ışınde, basşy kreslosy (qūny 200 myŋ teŋge), jūmys babynda paidalanu üşın telefon-kommutator (qūny 150 myŋ teŋge) jäne basqarma qyzmetkerlerı jūmys babynda qoldanu üşın 4 aiǧa avtokölıktı jalǧa alu (qūny 1,081 myŋ teŋge) sekıldı tender jariialanymdary bar".Avtokölıktı jalǧa aluǧa qatysty memlekettık satyp alu basqarmanyŋ balansyndaǧy 2017 jylǧy Renault logan avtokölıgı jūmysqa müldem jaramsyz bolyp qaluyna bailanysty jariialanǧan. Sonymen qatar, baspasöz qyzmetı joǧaryda körsetılgen memlekettık satyp alulardy ötkızudıŋ mümkındıgı būrynnan qarastyrylyp kele jatqanyn mälımdegen. Resmi jauapta: "Atalǧan qūral-jabdyqtardy satyp alu josparly türde jäne QR Qarjy ministrlıgınıŋ 2016 jylǧy 10 aqpandaǧy №59 būiryǧyna säikes jüzege asyryldy" delıngen. BQO Qoǧamdyq damu basqarmasy mekemedegı jihazdardyŋ 95 paiyzyn jaŋartu maqsatynda 2024 jylǧy biudjettık komissiiaǧa ötınımder daiyndap jatqanyn da tılge tiek etken.
Adyrna ūlttyq portaly
Ūqsas jaŋalyqtar
