Oraldyq student halyqaralyq baiqauda top jardy. Ol Tatarstanda ötken bılım dodasynda üzdık atanyp, sifrlyq aqparat öŋdeu salasyndaǧy käsıbi şeberlıgın älemdık deŋgeide däleldedı.
BQO Oral qalasyndaǧy Joǧary injenerlık-tehnologiialyq kolledjınıŋ studentı İhsan Beket Erjanūly halyqaralyq därejede zor jetıstıkke qol jetkızdı.Būl turaly Batys Qazaqstan oblysy bılım basqarmasynyŋ baspasöz qyzmetı habarlady. Ol Tatarstan Respublikasynyŋ Bılım jäne ǧylym ministrlıgı ūiymdastyrǧan IV halyqaralyq «Luchşii po professii — master po obrabotke sifrovoi informasii» käsıbi şeberlık baiqauynda 1-oryn ielenıp, üzdık dep tanyldy.
Baiqaudyŋ maqsaty – IT salasynda bılım alyp jatqan studentterdıŋ käsıbi deŋgeiın baǧalau, sifrlyq aqparatty öŋdeu, jüieleu jäne taldau boiynşa daǧdylaryn synau, sondai-aq halyqaralyq täjıribe almasuǧa mümkındık beru.
Saiys barysynda qatysuşylarǧa kürdelı tehnikalyq tapsyrmalar jükteldı. İhsan Beket būl synaqtardan sürınbei ötıp, joǧary käsıbi daiyndyq pen tehnikalyq sauattylyǧyn körsettı. Qazylar alqasy jas mamannyŋ jūmysyn joǧary baǧalap, oǧan bırınşı oryndy laiyq dep tapty.
Būl jeŋıs – jeke tabystan bölek, otandyq tehnikalyq jäne käsıptık bılım beru jüiesınıŋ äleuetın däleldeitın naqty körsetkış. Sondai-aq, jastardyŋ zamanaui sifrlyq mamandyqtarǧa degen qyzyǧuşylyǧyn arttyryp, olardyŋ halyqaralyq deŋgeide de bäsekege qabılettı ekendıgın paş etedı.İhsannyŋ būl tabysy – jetekşısı A.A. Qasietova men kolledj ūjymynyŋ jüielı eŋbegınıŋ nätijesı ekenı sözsız.
Batys Qazaqstan oblysy bılım basqarmasynyŋ basşylyǧy jas mamandy ülken jetıstıgımen qūttyqtap, aldaǧy käsıbi jolyna sättılık tıledı.
