Oqu-aǧartu ministrınıŋ qyzmetın atqarǧan Ashat Aimaǧambetov qyzmetınen ketuıne qatysty pıkır bıldırıp, özıne qoldau körsetken barşa Qazaq elıne alǧysyn bıldırdı, dep jazady "Adyrna" ūlttyq portaly.
"Qūrmettı dostar, qymbatty ärıptester! 2019 jylǧy mausym aiynda Prezident Qasym-Jomart Toqaev maǧan öte maŋyzdy bılım men ǧylym salalaryn senıp tapsyrdy. Keiınnen Memleket basşysy menı üş ret qaita taǧaiyndady. Aldymen Bılım jäne ǧylym ministrı, sodan keiın 100 jylǧa juyq uaqyttan keiın qaita qūrylǧan, ūlaǧatty aǧartuşy, ūlt ūstazy Ahmet Baitūrsynov basqarǧan Oqu-aǧartu ministrlıgıne qaita taǧaiyndady. Osy uaqyt ışınde maǧan jüktelgen senımdı aqtauǧa jäne aşyq boluǧa, jūmysta tiımdı ärı paidaly boluǧa tyrystym. Ömırımnıŋ osy maŋyzdy kezeŋınde sızderdıŋ, Prezidenttıŋ, mūǧalımderdıŋ, ata-analardyŋ, ministrlıktıŋ bükıl ūjymynyŋ, azamattyq qoǧamnyŋ qoldauynyŋ arqasynda maŋyzdy nätijelerge qol jetkızdık. Bılım jäne ǧylym salasyna jauapty bolǧan ministr retınde özderıŋızge esep berıp, atqarylǧan jūmystar turaly aitu jön dep sanaimyn. Aldaǧy uaqytta ministr lauazymynda qabyldanǧan ärbır şeşım turaly egjei-tegjeilı esep berudı jäne būl şeşımderdıŋ logikasy turaly aitudy josparlap otyrmyn. Ony kez kelgen adam köre alady", - dedı Aimaǧambetov.Aimaǧambetov 2019 jyldan berı ıske asyrǧan basty reformalarǧa toqtalyp, bılım salasynda engızılgen jaŋalyqtarǧa tüsınıstıkpen qaraǧan ata-analarǧa alǧys bıldırdı.
"Osy jyldar ışınde men halqymyzdyŋ batasyn alyp, Prezidenttıŋ senımın aqtau üşın, el igılıgı üşın jūmys ısteuge tyrystym. Jylpy alǧanda, men üşın uaqyt talabyna säikes keletın jaŋa reformalardy engızu ǧana emes, sonymen qatar sabaqtastyqty saqtau maŋyzdy boldy. Äsırese pandemiia kezınde qiyn boldy, bıraq ärıptesterımızdıŋ tüsınıgı men qoldauynyŋ arqasynda ol uaqyttan da öttık. Osy uaqyt aralyǧynda mūǧalımderdıŋ ülken qoldauyn sezındım. Sol üşın qūrmettı ärıptesterıme alǧys aitqym keledı. Menıŋ şeşımderımdı tüsınıp, qoldaǧandaryŋyz üşın raqmet. Onyŋ barlyǧy ärqaisyŋyzdyŋ eŋbek jaǧdaiyŋyzdy jaqsartuǧa baǧyttalǧan bolatyn. Prezidenttıŋ qoldauy arqasynda bız öte maŋyzdy qūjatty - «Pedagog märtebesı turaly» zaŋdy qabyldadyq. Sonyŋ arqasynda tübegeilı özgerıster boldy, mysaly, jalaqyny köteru, qosymşa tölemder, mındetke jatpaityn qyzmetterden bosatu, bes kündık jūmys aptasyna auysu, 30 jyl eŋbek ötılı bar mūǧalımderdı ŪBT-dan bosatu jäne 25 jyldan astam jūmys ötılı bar mūǧalımderge tösbelgı taǧaiyndau jäne t.b. Bılım beru salasy - qarqyndy damyp kele jatqan sala. Sondyqtan engızılgen jaŋalyqtarǧa tüsınıstıkpen qaraǧan ata-analarǧa alǧysymdy bıldırgım keledı", - dep jazdy Aimaǧambetov.Ministr ärqaşan qoǧammen aşyq boluǧa tyrysqanyn atap ötıp, barlyq syndardy tüzetuge küş salǧanyn aitty.
"Qandai da bır bastamany jüzege asyrǧanda balalarymyzdyŋ müddelerın negızge aldyq. Osyǧan deiın de balalarymnyŋ memlekettık mektep pen balabaqşaǧa baratynyn bırneşe ret aitqan bolatynmyn. Bız balabaqşa tärbieşılerıne, kolledj mūǧalımderı men universitet oqytuşylaryna da qolaily jaǧdai jasauǧa tyrystyq. Barlyq ideia men alǧa qoiylǧan mındettı ıske asyrǧan Oqu-aǧartu ministrlıgınıŋ, vedomstvolyq baǧynysty ūiymdardyŋ, departamentterdıŋ, bılım basqarmalarynyŋ, ädıstemelık kabinetterdıŋ, bılım beru ūiymdarynyŋ barlyq qyzmetkerıne erekşe alǧysymdy bıldırgım keledı. Sızder baǧalauǧa kelmeitın auqymdy jūmys atqardyŋyzdar. Keide tym qatal, talapşyl bolatynymdy bılemın. Aşyq söilep, qoldau bıldırıp, syn aitqan qoǧam qairatkerlerı men belsendılerge alǧys aitamyn. Men ärqaşan syndarly eskertulerdı qabyldauǧa daiynmyn jäne olardy tüzetuge tyrysamyn. Sondai-aq jaŋalyqtarymyzdy jariialaǧan jurnalisterge de eŋbekterı üşın alǧys aitamyn. Bız özektı aqparatty belsendı türde bölısuge jäne dialog üşın ärqaşan aşyq boluǧa tyrystyq",- deidı ministr.Halyqtyŋ ystyq yqylasyna bölengen ministr qaşan da qoǧamǧa aşyq ekenın jetkızıp, özıne qoldau körsetken barşa otandastaryna alǧysyn bıldırdı.
"Kez kelgen adam tyŋdai alatyn apparat jinalystary apta saiyn ūiymdastyryldy. Jūmys kestemnıŋ tyǧyzdyǧyna qaramastan, sūhbatqa da uaqyt böluge tyrystym. Öitkenı jaŋalyqtar men qabyldanǧan şeşımderdı otandastarymyzǧa uaqytyly jetkızu jäne olardyŋ tüsınuı maŋyzdy boldy. Tärbieşılermen, oquşylarmen, studenttermen, ūstazdarmen, mektep, kolledj direktorlarymen, oqytuşylarmen, rektorlarmen, ǧalymdarmen, bılım basqarmalary men vedomstvolyq baǧynysty ūiymdardyŋ basşylarymen köptegen kezdesu ötkızdım. Men üşın ärtürlı deŋgeidegı bılım beru ökılderınıŋ pıkırlerın tyŋdau jäne qandai da bır şeşım qabyldaǧanda barlyq mäselenıŋ «oŋ» jäne «terıs» jaqtaryn tarazylau maŋyzdy boldy. Osy qyzmette salanyŋ damuyna üles qosyp, otandastarym men Prezidenttıŋ senımın aqtai aldym dep ümıttenemın. Barşaŋyzǧa qoldau körsetkenı üşın alǧys aitamyn jäne Oqu-aǧartu men Joǧary bılım jäne ǧylym ministrlıkterındegı ärıptesterıme tabysty jūmys tıleimın. Men, ädettegıdei, qoǧamǧa aşyqpyn. Bırlesken jūmys pen barlyq bastamama qoldau körsetkenderıŋız üşın taǧy da alǧys aitamyn",- dep jazdy Aimaǧambetov.
"Adyrna" ūlttyq portaly
