Almaty oblysynda «Qazpoştadan» milliondaǧan somanyŋ ūrlanǧany anyqtaldy, - dep habarlaidy "Adyrna" ūlttyq portaly oblystyq prokuraturaǧa sılteme jasap.
Belgılı bolǧandai, Almaty oblysynyŋ prokuraturasy körsetılgen memlekettık qyzmetter üşın qarajattyŋ tüsuın taldau nätijelerı boiynşa «Qazpoşta» AQ-da biudjet qarajatyn ysyrap etu faktılerın anyqtady.
Atalǧan faktı boiynşa sotqa deiıngı tergep-tekseru jūmystary bastalyp, ıs Almaty oblysy boiynşa Ekonomikalyq tergeu departamentıne berıldı.
Tergeu barysynda "Qazpoşta" AQ kassirlerı tübırtekterdı būrmalau arqyly tölengen memlekettık baj salyǧynyŋ bır bölıgın zaŋsyz iemdengenı anyqtaldy.
Qylmystyq shema 2021 jyldan 2023 jylǧa deiın tölqūjattar men jeke kuälıkterdı räsımdeu kezınde jürgızılgen.
Keltırılgen zalal somasy 80 million teŋgeden astam.
Sot ükımımen 2 kassir asa ırı mölşerde (QK-nıŋ 189-baby 4-bölıgınıŋ 2-tarmaǧy) böten mülikti iemdenıp alǧany üşın kınälı dep tanylyp, bas bostandyǧynan aiyru jäne materialdyq jauapty, sondai-aq basşylyq qyzmetterdı atqaruǧa tyiym salu türındegı jaza taǧaiyndaldy.
Ūqsas jaŋalyqtar
