دۋشانبەدە قازاقستان مەن تاجىكستان پرەزيدەنتتەرى قاسىم-جومارت توقاەۆ پەن ەمومالي راحمون كەلىسسوزدەر جۇرگىزدى، دەپ حابارلايدى "ادىرنا" پورتالى اقوردانىڭ ءباسپاسوز قىزمەتىنە سىلتەپ.
«مەملەكەت باسشىسى قاسىم-جومارت توقاەۆ تاجىكستان پرەزيدەنتىمەن كەلىسسوزدەر جۇرگىزدى»، - دەلىنگەن بەيسەنبى كۇنى تاراتقان حابارلامادا.
مەملەكەت باسشىسى راحمونعا تاجىك جەرىندەگى ءداستۇرلى قوناقجايلىلىق پەن جىلى قابىلداعانى ءۇشىن العىس ايتتى.
«قازاقستان مەن تاجىكستان پرەزيدەنتتەرى ەكىجاقتى قاتىناستاردىڭ قازىرگى جاعدايى مەن پەرسپەكتيۆاسىن، سونداي-اق بۇعان دەيىن جوعارى دەڭگەيدە قول جەتكىزىلگەن ۋاعدالاستىقتاردىڭ جۇزەگە اسىرىلۋ بارىسىن تالقىلادى. كەزدەسۋدە ساۋدا-ەكونوميكالىق، كولىك-لوگيستيكالىق جانە مادەني-گۋمانيتارلىق سالالارداعى ىنتىماقتاستىققا باسا ءمان بەرىلدى. ەكى ەل باسشىلارى ستراتەگيالىق سەرىكتەستىك پەن وداقتاستىقتى ودان ءارى نىعايتۋعا ءوزارا نيەتتى ەكەنىن راستادى. »، - دەپ ناقتىلادى اقوردادا.