بۇرىنعى مادەنيەت جانە سپورت ءمينيسترى ارىستانبەك مۇحامەديۇلىنىڭ ۇكىمى وزگەرىسسىز قالدىرىلىپ، وسى ءىس بويىنشا سوتتالعان «ەكسپونات» جشس باس ەسەپشىسى ايىم سادۋاقاسوۆا بوساتىلدى، دەپ حابارلايدى "ادىرنا" اگەنتتىگىنىڭ ءتىلشىسى.
اپەللياتسيالىق القا ەكس-مينيستر مۇحامەديۇلىنىڭ ۇكىمىن، سونداي-اق سادۋاقاسوۆانى بوساتۋ تۋرالى ۇكىمدى كۇشىندە قالدىردى دەگەن اقپاراتتى استانا سوتىنىڭ ءباسپاسوز قىزمەتىندە راستادى.
سادۋاقاسوۆانىڭ جازاسىن وتەۋ مەرزىمى جەتى جىلدان بەسكە دەيىن قىسقارتىلدى، ونىڭ تەمىر توردىڭ ار جاعىنداعى جازاسىن وتەگەن ءاربىر كۇنى، ونىڭ ىشىندە تەرگەۋ كەزىندە دە ءبىر جارىم جىلعا ەسەپتەلىپ، بوستاندىققا شىققاندا كىشكەنتاي بالاسىنىڭ بولۋى دا قوسا ەسكەرىلدى.
ەستەرىڭىزگە سالا كەتەيىك، 2022 جىلدىڭ 16 مامىرىندا مۇحامەديۇلىنىڭ ۇيىندە جانە ۇلتتىق مۋزەيدە ءتىنتۋ جۇمىستارى جۇرگىزىلىپ جاتقانى بەلگىلى بولدى. كەيىنىرەك ەكس-مينيستر ءوز-وزىنە قول جۇمسادى دەگەن اقپارات پايدا بولدى. الايدا ونىڭ وكىلدەرى بۇل اقپاراتتى جوققا شىعاردى، ال مۇحامەديۇلىنىڭ الەۋمەتتىك جەلىدەگى جەكە پاراقشاسىندا پرەزيدەنت قاسىم-جومارت توقاەۆتىڭ اتىنا ۇندەۋ پايدا بولدى، وندا ەكس-مينيستر سىبايلاس جەمقورلىققا قارسى تەرگەۋدىڭ باستالعانىن راستاپ، ونى بەلگىلى اكتەر تۇڭعىشباي جامانقۇلوۆپەن كەلىسپەۋشىلىكپەن بايلانىستىردى. كەيىن جامانقۇلوۆ مۇحامەديۇلىنا قارسى ارىز جازعاننىڭ ءوزى ەكەنىن راستادى. سول كۇنى سىبايلاس جەمقورلىققا قارسى قىزمەت ۇلتتىق مۋزەي شەنەۋنىكتەرىنە 146 ميلليون تەڭگەنىڭ ۇرلىعى ءۇشىن ايىپ تاعىلعانىن حابارلادى.
2023 جىلدىڭ 24 قاڭتارىندا مۇحامەديۇلى ءىسى بويىنشا قر ۇلتتىق مۋزەيى ديرەكتورىنىڭ بۇرىنعى ورىنباسارى الماز نۇرازحاننىڭ ۇستالعانى بەلگىلى بولدى.
20 ماۋسىمدا مۇحامەديۇلى سەگىز جىلعا باس بوستاندىعىنان ايىرىلدى.
