قازاق كوكپارىنا فرانتسيادا كورمە ارنالدى. فرانتسۋز دەرەكتى فوتوگرافى ەجەلگى كوشپەلى ويىن تۋرالى باياندايتىن بىرقاتار جۇمىستاردى ۇسىندى، دەپ حابارلايدى "ادىرنا" ءتىلشىسى "حابار 24"-كە سىلتەمە جاساي وتىرىپ.
گابريەل گوففر ەسىمدى فوتوگراف وتكەن جىلدىڭ سوڭىندا قازاقستاندا بولعان. ول ەلگە ارنايى كوكپار سپورتىن كورىپ، ءتۇسىرۋ ءۇشىن ارنايى كەلگەنىن ايتادى.
فرانتسۋز فوتوگرافى ءتۇسىرىلىم ءۇشىن شىمكەنت ماڭىنداعى اۋىلداردىڭ بىرىنە بارىپ، اۋەسقوي ويىننىڭ كۋاسى بولعان.
الەمنىڭ بىرنەشە ەلىندە بولعان ازامات قازاقستانعا جاساعان ساياحاتىنان ۇلكەن اسەر العانىن ايتادى.
ارناعا بەرگەن سۇحباتىندا ول جاقىن ارادا شىعارماشىلىق جوبانىڭ اياسىندا قازاقستانعا ساياحاتتاۋ جوسپارىمەن دە بولىسكەن.
گابريەل گوففر، دەرەكتى فوتوگراف:
"بۇل كوبىنەسە قازاقستاندى كورسەتۋ ءۇشىن جاسالدى. فرانتسيادا شىن مانىندە كوكپاردىڭ نە ەكەنىن بىلەتىن ادامدار از. جامان دا، جاقسى دا سۋرەت جوق... مەن قازاقتاردىڭ ماقتان تۇتاتىن ويىنىن جانە مەنى تاڭ قالدىراتىن نارسەنى ۇسىنعىم كەلدى",- دەپ بولىسەدى ول.
ۇقساس جاڭالىقتار
