الماتىلىق ەكى تۇرعىن ءبىر-بىرىنە قارۋ كەزەنىپ، كەتپەن، پىشاق الا جۇگىرگەن. پىشاق ۇستاعان كۋرەر موپەدىنىڭ كىلتىن وزىنە قايتارۋدى تالاپ ەتەدى. ەكىنشى ءبىرى قارسىلاسىنا كەتپەن سەرمەپ، سەس كورسەتپەك بولادى. جانجالدىڭ سەبەپتەرى بەلگىسىز، دەپ حابارلايدى "ادىرنا" ۇلتتىق پورتالى.
الماتى پوليتسيا دەپارتامەنتىنىڭ ءباسپاسوز قىزمەتى اتالعان فاكتىنى بوستاندىق اۋداندىق پوليتسيا ءبولىمى قازاقستان رەسپۋبليكاسىنىڭ قىلمىستىق كودەكسiنىڭ 293-بابى 3-بولىگى بويىنشا تىركەپ، تەرگەۋ جۇرگىزىپ جاتقانىن حابارلادى.
"وسى قىلمىستى جاسادى دەگەن كۇدىكپەن 1992 جىلى تۋعان ازاماتشا پ. ۇستالىپ، پىشاق تاركىلەندى، قىلمىستىق ءىس ماتەريالدارىنا قوسىلدى. قازىرگى ۋاقىتتا وقيعانىڭ باسقا دا ءمان-جايلارىن انىقتاۋعا باعىتتالعان جەدەل-ىزدەستىرۋ شارالارى جۇرگىزىلىپ جاتىر", - دەدى الماتى پوليتسيا دەپارتامەنتىنىڭ ءباسپاسوز قىزمەتى.
"ادىرنا" ۇلتتىق پورتالى
