ونەركاسىپ جانە ەنەرگەتيكا مينيسترلىگىنىڭ باسشىلارى كوپتەگەن قازاقستاندىقتاردى الاڭداتقان ساۋالعا جاۋاپ بەردى. "قازاقستاندا ەكىباستۇزداعى جاعداي قايتالانا ما؟" دەگەن سۇراققا قاتىستى اشىعىن ايتتى، دەپ حابارلايدى "ادىرنا" ۇلتتىق پورتالى Zakon.kz-كە سىلتەمە كورسەتە وتىرىپ.
بۇگىنگى وتكەن ءباسپاسوز ءماسليحاتىندا ونەركاسىپ جانە قۇرىلىس ءمينيسترى قانات شارلاپاەۆ جىلىتۋ ماۋسىمىنا دايىندىق جۇمىستارىنا توقتالدى. جىلۋ بەرۋ ماۋسىمى قارساڭىندا جەرگىلىكتى جەرلەردە باقىلاۋ كۇشەيتىلگەنىن ايتتى.ء"بىز اكىمدىكتەردەن كەلەتىن حابارلامالارعا سۇيەنىپ قانا قويمايمىز، وعان قوسا جوندەۋ جۇمىستارى جۇرگىزىلىپ جاتقان نەگىزگى نىسانداردى تەكسەرەمىز", – دەدى مينيستر.جىلۋ ماۋسىمىنداعى "تاڭعاجايىپتار" قاۋپىنىڭ ءتونىپ تۇرعانىن ەنەرگەتيكا ۆيتسە-ءمينيسترى جاندوس نۇرماعانبەتوۆ تە جوققا شىعارمادى. مينيستر ورىنباسارى جاڭا جىلۋ بەرۋ ماۋسىمىنا دايىندىق كەزىندە قاۋىپتىڭ ءالى سەيىلمەگەنىن اشىق مويىندادى.
"وكىنىشكە قاراي، جىلۋ ەلەكتر ورتالىعى بار ورتالىقتاندىرىلعان جىلۋ جۇيەسى بار قالالاردىڭ بارلىعىنا وسىنداي قاۋىپ ءتونىپ تۇر. ءبىز ەرەكشە باقىلاۋعا الىنعان قالالاردى اتادىق - ءبىرىنشى كەزەكتە وتكەن جىلى قيىندىققا ۇشىراعان قالالار جانە جوندەۋ جۇمىستارى كەشەۋىلدەپ جاتقان جىلۋ ەلەكتر ورتالىقتارى بويىنشا. جىلىتۋ ماۋسىمى قالىپتى جاعدايدا وتەدى دەپ سەنەمىز", – دەدى ول.جاندوس نۇرماعانبەتوۆ الداعى جىلىتۋ ماۋسىمىنا قاتىستى ەشقانداي كەپىلدىك بەرە المايتىنىن ايتتى. ونىڭ ايتۋىنشا، مينيسترلىك ماڭعىستاۋ وبلىسى، اقتاۋ، جەزقازعان قالالارىن ەرەكشە باقىلاۋعا العان.
ء"بىزدى ماەك الاڭداتادى. تەمىرتاۋ قالاسى بويىنشا دا كەشەۋىلدەپ جاتىر، اتاپ ايتقاندا جەو-2 امت بويىنشا. ەكىباستۇزدا جىلىتۋ ماۋسىمىنا دايىندىق جۇمىستارى اياقتالدى. مەنىڭ ويىمشا، وندا بيىل ءبارى قالىپتى وتەدى. ريددەر قالاسى بويىنشا قارجىلاندىرۋ كەش ءجۇردى، ول جاقتا قازىر قىزۋ جۇمىس ءجۇرىپ جاتىر. العاشقى ەكى قازاندىقتى قىركۇيەك ايىنىڭ سوڭىنا دەيىن الامىز دەپ وتىرمىز", –دەدى ۆيتسە-مينيستر.ورايى كەلگەندە ايتا كەتەيىك، جىلۋ بەرۋ ماۋسىمىنا قاتىستى كوڭىل كونشىتپەيتىن اقپاراتتار باق-تا ءجيى ءسوز بولادى. اتاپ ايتقاندا، قازاقستاندا ون ءبىر جەكەمەنشىك جەو-داعى جاعدايدىڭ قيىن ەكەنى حابارلانىپ وتىر.
"ادىرنا" ۇلتتىق پورتالى
ۇقساس جاڭالىقتار
قاراعاندى
مينيسترلىك
ونەركاسىپ جانە قۇرىلىس ءمينيسترى
ەكىباستۇز
ەنەرگەتيكا ۆيتسە-ءمينيسترى
جىلۋ قازاندىقتارى
جىلۋ جۇيەسى
