Önerkäsıp jäne energetika ministrlıgınıŋ basşylary köptegen qazaqstandyqtardy alaŋdatqan saualǧa jauap berdı. "Qazaqstanda Ekıbastūzdaǧy jaǧdai qaitalana ma?" degen sūraqqa qatysty aşyǧyn aitty, dep habarlaidy "Adyrna" ūlttyq portaly Zakon.kz-ke sılteme körsete otyryp.
Bügıngı ötken baspasöz mäslihatynda Önerkäsıp jäne qūrylys ministrı Qanat Şarlapaev jylytu mausymyna daiyndyq jūmystaryna toqtaldy. Jylu beru mausymy qarsaŋynda jergılıktı jerlerde baqylau küşeitılgenın aitty."Bız äkımdıkterden keletın habarlamalarǧa süienıp qana qoimaimyz, oǧan qosa jöndeu jūmystary jürgızılıp jatqan negızgı nysandardy tekseremız", – dedı ministr.Jylu mausymyndaǧy "taŋǧajaiyptar" qaupınıŋ tönıp tūrǧanyn energetika vise-ministrı Jandos Nūrmaǧanbetov te joqqa şyǧarmady. Ministr orynbasary jaŋa jylu beru mausymyna daiyndyq kezınde qauıptıŋ älı seiılmegenın aşyq moiyndady.
"Ökınışke qarai, jylu elektr ortalyǧy bar ortalyqtandyrylǧan jylu jüiesı bar qalalardyŋ barlyǧyna osyndai qauıp tönıp tūr. Bız erekşe baqylauǧa alynǧan qalalardy atadyq - bırınşı kezekte ötken jyly qiyndyqqa ūşyraǧan qalalar jäne jöndeu jūmystary keşeuıldep jatqan jylu elektr ortalyqtary boiynşa. Jylytu mausymy qalypty jaǧdaida ötedı dep senemız", – dedı ol.Jandos Nūrmaǧanbetov aldaǧy jylytu mausymyna qatysty eşqandai kepıldık bere almaitynyn aitty. Onyŋ aituynşa, ministrlık Maŋǧystau oblysy, Aqtau, Jezqazǧan qalalaryn erekşe baqylauǧa alǧan.
"Bızdı MAEK alaŋdatady. Temırtau qalasy boiynşa da keşeuıldep jatyr, atap aitqanda JEO-2 AMT boiynşa. Ekıbastūzda jylytu mausymyna daiyndyq jūmystary aiaqtaldy. Menıŋ oiymşa, onda biyl bärı qalypty ötedı. Ridder qalasy boiynşa qarjylandyru keş jürdı, ol jaqta qazır qyzu jūmys jürıp jatyr. Alǧaşqy ekı qazandyqty qyrküiek aiynyŋ soŋyna deiın alamyz dep otyrmyz", –dedı vise-ministr.Oraiy kelgende aita keteiık, jylu beru mausymyna qatysty köŋıl könşıtpeitın aqparattar BAQ-ta jiı söz bolady. Atap aitqanda, Qazaqstanda on bır jekemenşık JEO-daǧy jaǧdaidyŋ qiyn ekenı habarlanyp otyr.
"Adyrna" ūlttyq portaly
Ūqsas jaŋalyqtar
qaraǧandy
ministrlık
Önerkäsıp jäne qūrylys ministrı
Ekıbastūz
energetika vise-ministrı
jylu qazandyqtary
jylu jüiesı
