الماتى وبلىسى تالعار اۋداندىق اۋرۋحاناسى جانساقتاۋ بولىمىندەگى دارىگەر مەن مەدبيكەنى قايتىس بولعان ناۋقاستىڭ تۋىستارى سوققىعا جىققان، - دەپ حابارلايدى "ادىرنا" ءتىلشىسى تالعار اۋداندىق ورتالىق اۋرۋحاناسىنىڭ Instagram جەلىسىندەگى پاراقشاسىنا سىلتەمە جاساپ.
جانتۇرشىگەرلىك وقيعا سەيسەنبى، 19 قىركۇيەك كۇنى تاڭەرتەڭ بولدى.
«اكەسىنىڭ قايتىس بولعانى تۋرالى قايعىلى حاباردى ەستىگەننەن كەيىن مارقۇمنىڭ ۇلدارى مەديتسينالىق ءولىم تۋرالى انىقتامانىڭ رەسمي تىركەلۋىن كۇتپەستەن، جانساقتاۋ بولىمىنە باسىپ كىرىپ، جانساقتاۋ ءبولىمىنىڭ دارىگەرى مەن مەدبيكەسىن ۇرىپ جىبەرىپ، ءتىپتى مارقۇمنىڭ دەنەسىن ۇرلاپ، ورتالىق اۋداندىق اۋرۋحانانىڭ اۋماعىنان مەديتسينالىق كۇركەمەن الىپ شىققان»، - دەلىنگەن حابارلامادا.
سوققى ناتيجەسىندە انەستەزيولوگ-رەانيماتولوگ اۋىر حالدە. جابىق باسسۇيەك-مي جاراقاتى، سىنىقتار، كوپتەگەن گەماتومالار، ابرازيالار، تەرەڭ ستۋپور دياگنوزدارى تىركەلگەن.
مەدبيكە جابىق باسسۇيەك-مي جاراقاتىن العان، باس ميىنىڭ كونتۋزياسى، ساماي ايماعىنىڭ جۇمساق تىندەرىنىڭ كونتۋزياسى، مۇرىن سۇيەكتەرىنىڭ جابىق سىنۋى بايقالدى.
قر دەنساۋلىق ساقتاۋ مينيسترلىگى تالعار ورتالىق اۋداندىق اۋرۋحاناسىندا قايتىس بولعان ناۋقاستىڭ تۋىستارىنىڭ دارىگەرلەردى توپپەن ۇرىپ-سوعۋىنا قاتىستى وقيعاعا قاتىستى پىكىر ءبىلدىردى.
«بۇل زاڭسىز ارەكەتتەرگە قۇقىق قورعاۋ ورگاندارى ءتيىستى باعاسىن بەرىپ، شابۋىل جاساعاندار زاڭ شەڭبەرىندە بارىنشا جازالانۋى ءتيىس. دارىگەرلەرگە مۇنداي جانتۇرشىگەرلىك دورەكىلىك كورسەتۋ، مەديتسينالىق كومەك كورسەتەتىن ۇيىمنىڭ قىزمەتىنە ارالاسۋ مۇلدەم تومەن ءىس جانە ادامگەرشىلىككە جاتپايدى.
ناۋقاستار مەن دارىگەرلەردىڭ قاۋىپسىزدىگى جانە ناۋقاستارعا مەديتسينالىق كومەك كورسەتۋ ءۇشىن جاعداي جاساۋ دەنساۋلىق ساقتاۋ جۇيەسىندە ارقاشان ءبىرىنشى ورىندا.
دەنساۋلىق ساقتاۋ مينيسترلىگى مەديتسينالىق قىزمەتكەرلەردى قۇقىقتىق قورعاۋدى، ولاردىڭ قاۋىپسىزدىگىن قامتاماسىز ەتۋ جانە مارتەبەسىن كۇشەيتۋ، ونىڭ ىشىندە مەديتسينالىق قىزمەتكەرلەرگە قىزمەتتىك مىندەتتەرىن ورىنداۋ كەزىندە زورلىق-زومبىلىق كورسەتكەن جاعدايدا قىلمىستىق جاۋاپكەرشىلىكتى ارتتىرۋ جونىندە باستاما كوتەرىپ وتىر.
بۇگىنگى كۇنى زارداپ شەككەن دارىگەر مەن جينالعانداردىڭ قاۋىپسىزدىگى بارىنشا قامتاماسىز ەتىلىپ، زارداپ شەككەن مەديتسينا قىزمەتكەرلەرىنىڭ ءومىرى ءۇشىن كۇرەسكە بار كۇش-جىگەر جۇمسالاتىن بولادى. ارىپتەستەرىمىزدىڭ تەزىرەك ساۋىعىپ كەتۋىن تىلەيمىز»، - دەلىنگەن حابارلامادا.
الماتى وبلىستىق پوليتسيا دەپارتامەنتىنىڭ باسشىسى باۋىرجان الەنوۆتىڭ ايتۋىنشا، پوليتسيا قىزمەتكەرلەرى مەديتسينا قىزمەتكەرلەرىن سوققىعا جىققان ەكى كۇدىكتىنى ۇستادى.
«19 قىركۇيەكتە ساعات 10:35-تە تالعار اۋداندىق بولىمشەسىنىڭ كەزەكشى بولىمىنە قالانىڭ ورتالىق اۋداندىق اۋرۋحاناسىندا بەلگىسىز بىرەۋلەر 27 جاستاعى رەانيماتولوگ پەن 21 جاستاعى مەديتسينا قىزمەتكەرىن ۇرىپ-سوققانى تۋرالى حابارلاما كەلىپ ءتۇستى.
اتالعان دەرەك قازاقستان رەسپۋبليكاسى قىلمىستىق كودەكسىنىڭ 106-بابى 2-بولىگى بويىنشا اۋداندىق ىشكى ىستەر باسقارماسىندا تىركەلدى. جەدەل ىزدەستىرۋ شارالارى بارىسىندا تالعار اۋدانى اكىمدىگىنىڭ قىزمەتكەرلەرى 1987 جىلى تۋعان ازامات ش. مەن 1994 جىلى تۋعان ازامات ن.-نى انىقتاپ، ۇستادى.
قازىرگى ۋاقىتتا وقيعانىڭ بارلىق ءمان-جايىن جان-جاقتى، تولىق جانە وبەكتيۆتى زەرتتەۋدى قامتاماسىز ەتۋ ءۇشىن ساراپتاما تاعايىنداۋمەن جەدەل-ىزدەستىرۋ شارالارى جۇرگىزىلۋدە»، - دەدى الەنوۆ.
ۇقساس جاڭالىقتار
پوسموترەت ەتۋ پۋبليكاتسيۋ ۆ Instagram
"ادىرنا" ۇلتتىق پورتالى
