رەسەي ۋكرايناعا قاتىستى كەلىسسوزگە دايىن. بۇل تۋرالى ەلدىڭ سىرتقى ىستەر ءمينيسترى سەرگەي لاۆروۆ ايتتى، دەپ حابارلايدى «ادىرنا» ءتىلشىسى.
«ءيا، ءبىز كەلىسسوزدەرگە دايىنبىز، بىراق اتىستى توقتاتۋ تۋرالى ەشقانداي ۇسىنىستى قاراستىرمايمىز. ويتكەنى بۇل ماسەلە بويىنشا ماسكەۋ ءبىر رەت الدانىپ قالدى»،—دەدى ول.سونداي-اق لاۆروۆ بۇۇ باس اسسامبلەياسىنىڭ 78-سەسسياسىندا رەسەيدىڭ ۋكراينا مەملەكەتىنىڭ اۋماقتىق تۇتاستىعىن قۇرمەتتەيتىنىن مالىمدەدى.
«ءبىز ۋكراينا كەڭەس وداعىنان شىققان كەزدە قابىلداعان تاۋەلسىزدىك دەكلاراتسياسىنىڭ نەگىزىندە بۇل ەلدىڭ ەگەمەندىگىن مويىندادىق. قۇجاتتا كوپتەگەن جاقسى نارسە جازىلعان. مىسالى ولار از ۇلتتاردىڭ قۇقىقتارىن قۇرمەتتەيدى، ورىس ءتىلى مەن باسقا تىلدەردىڭ قۇقىعىنا دا قۇرمەتپەن قارايدى. كەيىن مۇنىڭ ءبارى ۋكراينا كونستيتۋتسياسىنا ەنگىزىلدى. ءبىز ءۇشىن تاۋەلسىزدىك دەكلاراتسياسىندا ۋكراينانىڭ بلوكتارعا قوسىلماعان ەل بولۋى جانە ەشقانداي اسكەري وداققا كىرمەيتىنى باستى ساتتەردىڭ ءبىرى بولدى. مىنە، وسى رەداكتسيادا، ءبىز ۋكراينانىڭ اۋماقتىق تۇتاستىعىن قولدايمىز»،—دەدى مينيستر.ول سونداي-اق بۇۇ جارعىسى نەگىزىندەگى ەگەمەن مەملەكەتتەر اراسىنداعى قارىم-قاتىناس قاعيداتتارى تۋرالى دەكلاراتسياعا توقتالدى.
«بىزدە ۋكراينانىڭ اۋماقتىق تۇتاستىعىنا قاتىستى ماسەلە جوق. ونى توڭكەرىستى جاساپ، قولداعاندار قيراتتى. باسشىلارى ءوز ەلىنە قارسى سوعىس اشىپ، حالقىن بومبالاي باستادى»، - دەپ ءسوزىن تۇيىندەدى لاۆروۆ.
ۇقساس جاڭالىقتار
“نە دەگەن سيمۆوليزم؟!”: بۇگىن زەلەنسكي توقاەۆقا العىسىن، ال لاۆروۆ تاسماعامبەتوۆكە سەنىمىن ءبىلدىردى
