ەنەرگەتيكا ۆيتسە-ءمينيسترى ەرلان اقكەنجەنوۆ بريفينگ كەزىندە ەكىباستۇز بەن ريددەردىڭ جىلۋ بەرۋ ماۋسىمىنا دايىندىعىن ءسوز ەتتى، دەپ حابارلايدى "ادىرنا" ۇلتتىق پورتالى zakon.kz-كە سىلتەمە كورسەتە وتىرىپ.
بريفينگكە قاتىسقاندار ەكىباستۇزداعى جوندەۋدەن وتكەن ماگيسترالدى سىناۋ كەزىندە قۇبىر جارىلعانىن ەسكە سالدى. وسىنى العا تارتقان ولار ۆيتسە-مينيستردەن "اتالعان قالا تۇرعىندارىنىڭ جىلىتۋ ماۋسىمىندا تاعى ءبۇرىسىپ، توڭۋعا ءماجبۇر بولىپ جۇرمەيدى مە" دەپ سۇرادى.
مينيستر ورىنباسارى ءوزىنىڭ ەنەرگەتيك ەمەس ەكەنىن العا تارتىپ، ارىپتەستەرىنە سەنىم بىلدىرەتىنىن جەتكىزدى. ول ەكىباستۇزدا دا، ريددەردە دە پروبلەما تۋىندامايتىنىن ايتتى.
"جەو-نى الەۋمەتتىك مازۋتپەن قامتاماسىز ەتۋ جايىن ايتا الامىن. بۇگىنگى تاڭدا باعاسى 115 مىڭ تەڭگەدەن 263 مىڭ توننا ارزانداتىلعان مازۋت جوسپارلانعان. ءبىز بۇل مازۋتتى وبلىستارعا ءبولۋ كەستەسىن بەكىتتىك. اكىمدىكتەرمەن جۇمىس جۇرگىزىلدى، اكىمدىكتەر قازىر ساتىپ الۋ جۇمىستارىمەن اينالىسىپ جاتىر نەمەسە ولار بۇل جۇمىستى اياقتاپ، جىلىتۋ ماۋسىمىنا دايىندالۋدا. مازۋتپەن جىلىتىلاتىن جەو مەن قالالار ماۋسىمعا دەر كەزىندە دايىن بولادى", - دەدى ۆيتسە-مينيستر.
"مەنىڭ ارىپتەستەرىمنىڭ، ەنەرگەتيكتەردىڭ ايتۋىنشا، بۇل قالالار ۋاقىتىندا جىلۋعا قوسىلۋى ءتيىس. شىنىمدى ايتسام، مەن ەنەرگەتيك ەمەسپىن. ەنەرگەتيكا بلوگىنداعى ارىپتەستەرىم ادامداردى جىلۋمەن قامتاماسىز ەتۋ ءۇشىن قولدان كەلگەننىڭ ءبارىن جاسايتىنىن بىلەمىن. ريددەردەگى جەو-نىڭ بۇگىنگى تاڭداعى مازۋت قورى 180 مىڭ توننانى قۇرايدى، بۇل - قازاندىقتاردى ىسكە قوسۋ-رەتتەۋ جۇمىستارىن جۇرگىزۋگە جەتكىلىكتى كولەم. قالعان كومىر قورى 8 000 توننانى قۇرايدى", - دەپ اتاپ ءوتتى سپيكەر.
"ادىرنا" ۇلتتىق پورتالى
