«ەكىباستۇز ماەس-2» اق-نى تەكسەرۋ بارىسىندا 1 ميلليارد تەڭگە ۇرلانعانى انىقتالدى. بۇل جايلى پاۆلودار وبلىسىنىڭ پروكۋراتۋراسى ايتتى، دەپ حابارلايدى «ادىرنا» ءتىلشىسى.
«پاۆلودار وبلىسىنىڭ پروكۋراتۋراسى «ەكىباستۇز ماەس-2» اق-نى تەكسەرۋ بارىسىندا 3-ءشى ەنەرگوبلوكتى ورناتۋمەن جىلۋ ەلەكتر ستانتسياسىن كەڭەيتۋگە جانە رەكونسترۋكتسيالاۋعا ارنالعان قاراجاتتى ىسىراپ ەتۋ فاكتىلەرىن انىقتادى. راستالماعان جۇمىستاردىڭ كولەمى شامامەن 1 ملرد تەڭگەنى قۇرادى»،- دەلىنگەن حابارلامادا
قىلمىستىق كودەكستىڭ 189-بابى (اسا ءىرى مولشەردە مۇلىكتى جىمقىرۋ) بويىنشا سوتقا دەيىنگى تەرگەۋ باستالدى. ونىڭ اياسىندا قىلمىستىڭ بارلىق ءمان-جايى، زالالدىڭ تۇپكىلىكتى سوماسى جانە وعان قاتىسى بار ادامدار توبى انىقتالادى.
