سەناتتىڭ جالپى وتىرىسىندا عاۋەز نۇرمۇحامبەتوۆ دەپۋتاتتىق وكىلەتتىگىن توقتاتتى، دەپ حابارلايدى “ادىرنا” ۇلتتىق پورتالى.
ال سەنات دەپۋتاتى عاۋەز نۇرمۇحامبەتوۆ مەملەكەت باسشىسىنىڭ جارلىعىمەن سولتۇستىك قازاقستان وبلىسىنىڭ اكىمى بولىپ تاعايىندالدى.
پرەزيدەنتتىڭ 2023 جىلعى 23 قىركۇيەكتەگى 358-ءشى جارلىعىمەن اۋەز نۇرمۇحامبەتوۆ سقو اكىمى بولىپ تاعايىندالدى. كونستيتۋتسيانىڭ 52-بابى مەن پارلامەنت جانە ونىڭ دەپۋتاتتارى جايلى كونستيتۋتسيالىق باپتىڭ 3 جانە 8-تارماقتارىنا سايكەس، پارلامەنت سەناتىنىڭ دەپۋتاتى اۋەز نۇرمۇحامبەتوۆتىڭ دەپۋتاتتىق وكىلەتتىگىن مەرزىمىنەن بۇرپىن توقتاتۋ ءۇشىن ۇسىنىم ەنگىزىپ وتىرمىن، - دەدى ول.سەنات سپيكەرى ماۋلەن اشىمباەۆ عاۋەز نۇرمۇحامبەتوۆ قاڭتاردا سەناتور بولىپ سايلانعانىن ايتتى.
وسى ارالىقتا پالاتانىڭ زاڭ شىعارۋ قىزمەتى مەن جوسپارلى ءىس-شارالارىنا بەلسەندى اتسالىستى. ماڭىزدى زاڭ جوبالارىنا باستاماشى بولدى. سەنات قابىرعاسىندا ماڭىزدى ماسەلەلەردىڭ شەشىلۋىنە وڭ ۇلەسىن قوستى. سول ءۇشىن ارىپتەسىمىزگە العىس ايتامىز، - دەدى اشىمباەۆ.ماۋلەن اشىمباەۆ عاۋەز نۇرمۇحامبەتوۆتى سەناتتىڭ قۇرمەت گراموتاسىمەن ماراپاتتادى. ال عاۋەز نۇرمۇحامبەتوۆ مەملەكەت باسشىسىنا وبلىس اكىمى ەتىپ تاعايىنداپ، سەنىم ارتقانى ءۇشىن العىس ايتتى.
سەناتتا 1 جىلعا جۋىق دەپۋتات رەتىندە قىزمەت اتقاردىق. بۇل مەن ءۇشىن ۇلكەن سەنىم، قىزىق تا ماڭىزدى كەزەڭ بولدى. قاڭتاردا كەلگەندە ۇلكەن ريزاشىلىقپەن كوميتەتتە قارسى الدى. وسى قىسقا ۋاقىت ىشىندە 67 زاڭدى ازىرلەدىك. بۇل قىزمەت ءۇشىن وتە قۋانىشتىمىن. مەن ءۇشىن ۇلكەن تاجىريبە بولدى، - دەپ ول ارىپتەستەرىنە العىس ايتتى.
