الماتىداعى «التىن وردا» بازارىنىڭ 200-دەن استام ساۋداگەرى الاياقتىقتىڭ قۇربانى بولۋى مۇمكىن. بۇل تۋرالى Qaz365.kz پورتالى جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، بۇگىن اتىشۋلى بازاردىڭ جابىق پاۆيلونىنان ساۋدا ورنىن الامىز دەپ، قاراجات قۇيعان كاسىپكەرلەر نارازىلىق تانىتتى. ولار 2022 جىلدىڭ قازان ايىنان بەرى ارقايسىسى كەم دەگەندە 12 ملن تەڭگەدەن، جاڭا ساۋدا ورىندارىن الامىز دەپ، قاراجات جيناعان. بۇگىنگى كۇنى 1,5 ملرد تەڭگە كولەمىندەگى سوممانىڭ تاعدىرى بەيمالىم.
بازاردىڭ ءۇشىنشى جابىق عيماراتىنان 300-دەن استام ساۋدا ورنىن سالىپ بەرەمىز دەگەن «Altyn Orda new company» جشس يەسى قاڭتار وقيعاسىنان كەيىن «التىن وردا» بازارىنا ورالعان دانيار الپيەۆ دەگەن ازامات. ول وسى بازاردىڭ العاشقى قۇرۋشىلارىنىڭ ءبىرى، مارقۇم التىنبەك الپيەۆتىڭۇلى. ساۋداگەرلەردىڭ ايتۋىنشا وسى ازامات پەن ونىڭ سەرىكتەسى ەرمەك وماروۆ 2023 جىلى 9 ماۋسىم مەن 2024 جىلدىڭ 9 قاڭتارى ارالىعىندا، جارتى جىلدا ساۋداگەرلەر ءۇشىن جابىق ساۋدا الاڭدارىنىڭ قۇرىلىسىن بىتىرۋگە ۋادە بەرىپ، الدىن الا قاراجاتتى جيناپ الىپتى. الايدا بۇگىن نارازىلىققا شىققان سالىمشىلار قۇرىلىستىڭ 25 پايىزى عانا اياقتالعانىن، ال دانيار الپيەۆتىڭ ۇستىنەن پوليتسيا قىلمىستىق ءىس قوزعاعانىن ايتىپ الاڭداپ وتىر.
«جەكە كاسىپكەر رەتىندە 2009 جىلدان بەرى وسى بازاردا جۇمىس ىستەيمىن. باق وكىلدەرىن جيناۋ سەبەبىمىز – حالىقتىڭ پرەزيدەنتكە ايتاتىن ءۋاجى بار. قۇرمەتتى قاسىم-جومارت كەمەلۇلى «التىن وردا» بازارىنداعى كاسىپكەرلەردىڭ تالابىن نازاردان تىس قالدىرماۋدى سۇرايمىز. «Altyn Orda new company» 2022 جىلدىڭ قازان ايىنان باستاپ دانيار الپيەۆتىڭ باسشىلىعىمەن ساۋدا ورتالىعىندا 3-ءشى پاۆيلوننىڭ قۇرىلىسىن باستايتىنىن ايتقان ەدى. سول سەبەپتى ءبىز جەكە كاسىپكەرلەر ءبىر شارشى مەترى 800 مىڭ تەڭگە تۇراتىن بۋتيك ءۇشىن ارقايسىمىز 12 ملن تەڭگە قاراجات قۇيدىق. ورىنسىز قالىپ قالمايىق دەپ جاپپاي ساتىپ الۋعا تىرىستىق.
سوسىن 6 ايدان سوڭ وسى بازاردىڭ باسشىلىعىنىڭ اۋىسقانىن ەستىدىك. ءبىزدىڭ بىلۋىمىزشە دانيار الپيەۆ بازاردىڭ يەسى ەمەس ارەنداتور ەكەنىن بىلدىك. ال «كومپانيا №1» جشس الەكسەي نەداگاركا دەگەن كىسىمەن جينالىس وتكەندە، بىزگە وسىنداي مالىمدەمە جاسادى. ياعني سالىمشىلاردان زاڭسىز اقشا جينالعانىن ايتتى. ءبىزدىڭ بىلۋىمىزشە الپيەۆ پەن ونىڭ كومپانياسىنىڭ ۇستىنەن قىلمىستىق ءىس قوزعالىپتى. بىراق ناتيجە جوق. ەندى ءبىزدىڭ بازار يەلەرىنىڭ ادىنا قوياتىن ءوز تالاپتارىمىز بار. الاعى ۋاقىتتا قۇرىلىسى بىتپەگەن بۋتيكتەر ءبىزدىڭ يەلىكتە بولادى دەگەنگە كەپىلدىك حات بەرۋدى تالاپ ەتىپ وتىرمىز. ءبىز قاسىم-جومارت كەمەلۇلى توقاەۆتان وسى ىسكە نازار اۋدارىپ، ءتيىستى تاپسىرمالار بەرۋدى سۇرايمىز»، - دەيدى ايگۇل نۇرجاۋوۆا.
«ءبىز بازاردىڭ قازىرگى وكىلى الەكسەي نەداگاركا دەگەن ازاماتپەن 2 رەت جولىقتىق. ودان ءبىز كەپىلحات نەمەسە قايتادان كەلىسىمشارت جاساپ بەرۋدى سۇرادىق. بىراق رەسەي ازاماتى، وسى بازاردى باسقارىپ وتىرعان الەكسەي نەداگاركاعا قازاق تىلىندە ويىمىزدى جەتكىزە المادىق. ونىڭ اۋزىنان تۇسىنگەنىمىز بازار قۇرىلىسى بيىل جىل سوڭىنا دەيىن، ياعني مەرزىمىندە بىتپەيدى دەگەندى تۇسىندىك. ءالى ءبىر جىل سالىنادى دەپ وتىر. ءبىز ونىڭ تاعى ءبىر جىلعا سوزىلىپ، ەكى جىلعا اينالاتىنىن ءبىلىپ تۇرمىز. ەندەشە حالىق كرەديت الدى. ونىڭ پروتسەنتى ءجۇرىپ جاتىر. سالىمشىلار ءۇشىن بانك نەسيەنىڭ پروتسەنتىن توقتاتىپ قويمايدى عوي. ەكى ەسە شىعىن.
سوندىقتان بىز قۇرىلىستىق ۋاقىتىندا بىتپەگەنى ءۇشىن باعانى ءتۇسىرسىن دەدىك. وسى وڭتايلى شەشىم. ويتكەنى 1,2-ءشى پاۆيلوندار 8 ملن تەڭگەدەن سالىندى. ەندى 3-ءشى 12 ملن تەڭگە بولدى. سوندىقتان باعانى ءتۇسىرىپ، 8 ملن تەڭگە دەڭگەيىنە ءتۇسىرسىن. ەسكى پاۆيلونداردى بۇزعان سوڭ، حالىق ساۋدا ىستەپ كۇن كورۋ ءۇشىن امالسىز 12 ملن قۇيۋعا ماجبۇر بولدى. ولار كۇندەلىكتى تاماعى ۇشىن ءجۇر. شەكەسى قىزعان كاسىپكەرلەر جوق مۇندا. بىزدىڭ تالابىمىزعا قۇلاق اسسىن»، - دەيدى گۇلايىم ماقاشەۆا ەسىمدى كاسىپكەر.
«ال مەن وسى بازارعا بىلتىر قازاندا سالىمشى رەتىندە 3 بۋتيككە اي سايىن 1 ملن تەڭگەدەن قۇيىپ وتىردىم. سول كەزدە مارجان دەگەن ايەل كاسسير بولاتىن. ول ەگەر ۋاقىتىندا قۇيماساڭدار، بۋتيكتى باسقا بىرەۋگە ساتىپ جىبەرەمىز، دەپ قورقىتاتىن. سوندىقتان ءبىر اي دا كەشىكتىرمەي قۇيىپ كەلدىك. ەندى وزدەرىنىڭ ىشىندە ءبىر تۇسىنىسپەۋشىلىكتەر بولىپ، بازار يەلەرى اۋىسقان. ەكى ورتادا ءبىز كۇيەتىن سياقتىمىز.
ەندى وسى كۇنگە دەيىن جينالعان اقشا 1 ملرد 600 ملن تەڭگە دەگەن اقپارات شىقتى. سول ارەنداتور سوقپاسا، جەردىڭ يەسى سوعا ما؟ ءبىزدىڭ سالعان قارجىمىز قايدا؟ مۇنداعى ساۋداگەرلەر كرەديت الىپ، بىرەۋى ءۇيىن، ەكىنشىسى كولىگىن ساتىپ ۇمىتتەندى. سوندىقتان قارجىسىن قۇيدى. ول بۋتيكتەردىڭ قۇرىلىسى 2024 جىلدىڭ قاڭتارىندا ءبىتۋى كەرەك. سوعان قاراي تاۋەكەلگە باسىمىزدى تىگىپ، سالىمشى بولدىق قوي. مىنە، قاڭتاردىڭ اۋىلى الىس ەمەس. دانيار الپيەۆ اتىمەن جوق. ول كىسى قايدا؟» - دەپ اشىنادى اقەركە تاعاەۆا.
ساۋداگەرلەردىڭ وكىلى، ادۆوكات باۋىرجان توقتاربايۇلى مۇندا قاراجات سالعان 300-دەن استام ساۋداگەردىڭ 215-ءى پوليتسياعا ۇجىمدىق ارىز جازعانىن ايتىپ وتىر. الايدا الماتى وبلىسى قاراساي اۋداندىق ءىىب قاندايدا ءبىر پروتسەسسۋالدىق قادامدار جاساۋعا اسىعار ەمەس. وسى كۇنگە دەيىن ارىزدانۋشىلاردى شاقىرماعان. ال قر قك 190 بابى، ياعني اسا ءىرى كولەمدە الاياقتىق جاساۋى مۇمكىن دەگەن ازاماتتار قاماۋعا الىنباعان. «Altyn Orda new company» جشس يەسى دانيار الپيەۆ كەزدەسۋدەن قاشىپ وتىر، دەيدى زاڭگەر.
«قازىرگى تاڭدا زاڭ تالابى بويىنشا بۇل كاسىپكەرلەر ارىز جازدى. جەكە جازعاندارى دا بار، ۇجىمداسىپ جازعاندارى دا بار. دانيار الپيەۆ باسقاراتىن «Altyn Orda new company»بۇل كىسىلەردەن زاڭسىز اقشا العان. ول بويىنشا قازىر قىلمىستىق ءىس قوزعالىپ، قاراساي اۋدانىنىڭ ىشكى ىستەر باسقارماسىندا تەرگەۋ جۇرگىزىلۋدە. ايتا كەتەتىن جاعداي. ول تەرگەۋگە كوڭىلىمىز تولماي وتىر. سەبەبى باياۋ ءجۇرىپ جاتىر. ارىز جازىلسا دا، قانشا ۋاقىتتان بەرى ەكىمدى شاقىرىپ سۇراۋ الماعان. سوندىقتان بۇل كىسىلەر ۇنسىزدىك بولعان سوڭ، وسىلاي شىعىپ جانايقايىن جەتكىزىپ جاتىر.ۇكىمەتكە جەتسىن دەگەن ويى بار. ويتكەنى بۇل جەردەن 1,5 ملرد تەڭگە اقشا جيناپ الىپ، وسىلاي جوق بوپ كەتۋى جانە ونى قۇزىرلى ورگانداردىڭ ىزدەمەۋى كۇدىك تۋدىرادى.
الپيەۆتىڭ كومپانياسى، ياعني «Altyn Orda new company» بۇل جەردە ارەنداتور رولىندە بولعان. ال «كومپانيا №1» دەگەن مەكەمە بۇل بازار تۇرعان جەردىڭ يەسى. العاشقىسىنا كەيىنگىسى جەردى جالعا بەرگەن. ال دانيار الپيەۆ سۋبارەنداتورلاردان اقشا جيناپ، وسى جەردى ءبىز باسقارامىز، عيماراتتارعا ءبىز جاۋاپ بەرەمىز دەپ قارجى جيناپ العان. بىراق سول كۇيى جوق. اقشا بەرگەن ساۋداگەرلەرگە نە ءجونىن ايتپايدى، ارى قاراي بولا ما، بولماي ما دەگەن ساۋالعا جاۋاپ بەرمەيدى. ودان كەيىن جينالعان قاراجاتقا مىنانداي قۇرىلىىس ءجۇرىپ جاتىر، مىنانداي ماتەرتال الدىق دەپ ەسەپ بەرمەيدى. بەلگىسىزدىك كۇيگە ءتۇسىرىپ قويعان
بۇگىن نارازى توپ پەن باق وكىلدەرىنىڭ ساۋالدارىنا جاۋاپ بەرۋگە شىققان «التىن وردا» بازارىن باسقارۋشى كومپانيا وكىلى ەشكىمنىڭ دالادا قالمايتىنىن ايتتى. بىراق ساۋداگەرلەردىڭ تالابىنا ءىشىنارا عانا جاۋاپ بەردى. قازىرگى باسقارۋشى كومپانيانىڭ زاڭگەرى ىزباسار تىلەۋلين ساۋداگەرلەردىڭ ءۋاجىن باسشىعا جەتكىزەتىنىن ايتتى.
بۇل كىسىلەرمەن 4-5 رەت كەزدەستىك. قۇرىلىس بويىنشا قازىر قىلمىستىق ءىس ءجۇرىپ جاتىر. ءىس اياقتالسا، بۇل قۇرىلىس توقتامايدى، جۇرەدى. قولعا الامىز. پوليتسيا باسقارماسى ساۋداگەرلەردىجابىرلەنۋشى دەپ تانۋى كەرەك. سوت جۇرەدى. سونىڭ شەشىمىنە ساي ءبىز قۇرىلىستى اياقتاپ، يەلەرىنە بەرەمىز. قۇرىلىسقا تاپسىرىس بەرۋشى: «كومپانيا №1» جشس. ولار دا بۇل ىستەن حاباردار»،- دەيدى بازار اكىمشىلىگىنىڭ وكىلى.
