«1,5 mlrd teŋge». «Altyn Orda» bazarynda saudagerler narazylyqqa şyqty

2079
Adyrna.kz Telegram
https://adyrna.kz/content/uploads/2023/09/2ea6b1b6-daa2-487e-8618-dc838bd88ff0.jpeg
Almatydaǧy «Altyn Orda» bazarynyŋ 200-den astam saudagerı alaiaqtyqtyŋ qūrbany boluy mümkın. Būl turaly Qaz365.kz portaly jariialady, dep habarlaidy “Adyrna” ūlttyq portaly.  Aqparatqa säikes, bügın atyşuly bazardyŋ jabyq pavilonynan sauda ornyn alamyz dep, qarajat qūiǧan käsıpkerler narazylyq tanytty. Olar 2022 jyldyŋ qazan aiynan berı ärqaisysy kem degende 12 mln teŋgeden, jaŋa sauda oryndaryn alamyz dep, qarajat jinaǧan. Bügıngı künı 1,5 mlrd teŋge kölemındegı sommanyŋ taǧdyry beimälım. Bazardyŋ üşınşı jabyq ǧimaratynan 300-den astam sauda ornyn salyp beremız degen «Altyn Orda new company» JŞS iesı Qaŋtar oqiǧasynan keiın «Altyn Orda» bazaryna oralǧan Daniiar Älpiev degen azamat. Ol osy bazardyŋ alǧaşqy qūruşylarynyŋ bırı, marqūm Altynbek Älpievtıŋūly.  Saudagerlerdıŋ aituynşa osy azamat pen onyŋ serıktesı Ermek Omarov 2023 jyly 9 mausym men 2024 jyldyŋ 9 qaŋtary aralyǧynda, jarty jylda saudagerler üşın jabyq sauda alaŋdarynyŋ qūrylysyn bıtıruge uäde berıp, aldyn ala qarajatty jinap alypty. Alaida bügın narazylyqqa şyqqan salymşylar qūrylystyŋ 25 paiyzy ǧana aiaqtalǧanyn, al Daniiar Älpievtıŋ üstınen polisiia qylmystyq ıs qozǧaǧanyn aityp alaŋdap otyr. «Jeke käsıpker retınde 2009 jyldan berı osy bazarda jūmys ısteimın. BAQ ökılderın jinau sebebımız – halyqtyŋ prezidentke aitatyn uäjı bar. Qūrmettı Qasym-Jomart Kemelūly «Altyn Orda» bazaryndaǧy käsıpkerlerdıŋ talabyn nazardan tys qaldyrmaudy sūraimyz.   «Altyn Orda new company» 2022 jyldyŋ qazan aiynan bastap Daniiar Älpievtıŋ basşylyǧymen sauda ortalyǧynda 3-şı pavilonnyŋ qūrylysyn bastaitynyn aitqan edı. Sol sebeptı bız jeke käsıpkerler bır şarşy metrı 800 myŋ teŋge tūratyn butik üşın ärqaisymyz 12 mln teŋge qarajat qūidyq. Orynsyz qalyp qalmaiyq dep jappai satyp aluǧa tyrystyq. Sosyn 6 aidan soŋ osy bazardyŋ basşylyǧynyŋ auysqanyn estıdık. Bızdıŋ bıluımızşe Daniiar Älpiev bazardyŋ iesı emes arendator ekenın bıldık. Al «Kompaniia №1» JŞS Aleksei Nedagarka degen kısımen jinalys ötkende, bızge osyndai mälımdeme jasady. Iаǧni salymşylardan zaŋsyz aqşa jinalǧanyn aitty. Bızdıŋ bıluımızşe Älpiev pen onyŋ kompaniiasynyŋ üstınen qylmystyq ıs qozǧalypty. Bıraq nätije joq. Endı bızdıŋ bazar ielerınıŋ adyna qoiatyn öz talaptarymyz bar. Alaǧy uaqytta qūrylysy bıtpegen butikter bızdıŋ ielıkte bolady degenge kepıldık hat berudı talap etıp otyrmyz. Bız Qasym-Jomart Kemelūly Toqaevtan osy ıske nazar audaryp, tiıstı tapsyrmalar berudı sūraimyz», - deidı Aigül Nūrjauova.
«Bız bazardyŋ qazırgı ökılı Aleksei Nedagarka degen azamatpen 2 ret jolyqtyq. Odan bız kepılhat nemese qaitadan kelısımşart jasap berudı sūradyq. Bıraq Resei azamaty, osy bazardy basqaryp otyrǧan Aleksei Nedagarkaǧa qazaq tılınde oiymyzdy jetkıze almadyq. Onyŋ auzynan tüsıngenımız bazar qūrylysy biyl jyl soŋyna deiın, iaǧni merzımınde bıtpeidı degendı tüsındık. Älı bır jyl salynady dep otyr. Bız onyŋ taǧy bır jylǧa sozylyp, ekı jylǧa ainalatynyn bılıp tūrmyz. Endeşe halyq kredit aldy. Onyŋ prosentı jürıp jatyr. Salymşylar üşın bank nesienıŋ prosentın toqtatyp qoimaidy ǧoi. Ekı ese şyǧyn. Sondyqtan bız qūrylystyq uaqytynda bıtpegenı üşın baǧany tüsırsın dedık. Osy oŋtaily şeşım. Öitkenı 1,2-şı pavilondar 8 mln teŋgeden salyndy. Endı 3-şı 12 mln teŋge boldy. Sondyqtan baǧany tüsırıp, 8 mln teŋge deŋgeiıne tüsırsın. Eskı pavilondardy būzǧan soŋ, halyq sauda ıstep kün köru üşın amalsyz 12 mln qūiuǧa mäjbür boldy. Olar kündelıktı tamaǧy üşın jür. Şekesı qyzǧan käsıpkerler joq mūnda. Bızdıŋ talabymyzǧa qūlaq assyn», - deidı Gülaiym Maqaşeva esımdı käsıpker.
«Al men osy bazarǧa byltyr qazanda salymşy retınde 3 butikke ai saiyn 1 mln teŋgeden qūiyp otyrdym. Sol kezde Marjan degen äiel kassir bolatyn. Ol eger uaqytynda qūimasaŋdar, butiktı basqa bıreuge satyp jıberemız, dep qorqytatyn. Sondyqtan bır ai da keşıktırmei qūiyp keldık. Endı özderınıŋ ışınde bır tüsınıspeuşılıkter bolyp, bazar ielerı auysqan. Ekı ortada bız küietın siiaqtymyz. Endı osy künge deiın jinalǧan aqşa 1 mlrd 600 mln teŋge degen aqparat şyqty. Sol arendator soqpasa, jerdıŋ iesı soǧa ma? Bızdıŋ salǧan qarjymyz qaida? Mūndaǧy saudagerler kredit alyp, bıreuı üiın, ekınşısı kölıgın satyp ümıttendı. Sondyqtan qarjysyn qūidy. Ol butikterdıŋ qūrylysy 2024 jyldyŋ qaŋtarynda bıtuı kerek. Soǧan qarai täuekelge basymyzdy tıgıp, salymşy boldyq qoi. Mıne, qaŋtardyŋ auyly alys emes.  Daniiar Älpiev atymen joq. Ol kısı qaida?» -  dep aşynady Aqerke Taǧaeva.
Saudagerlerdıŋ ökılı, advokat Bauyrjan Toqtarbaiūly mūnda qarajat salǧan 300-den astam saudagerdıŋ 215-ı polisiiaǧa ūjymdyq aryz jazǧanyn aityp otyr. Alaida Almaty oblysy Qarasai audandyq IIB qandaida bır prosessualdyq qadamdar jasauǧa asyǧar emes. Osy künge deiın aryzdanuşylardy şaqyrmaǧan. Al QR QK 190 baby, iaǧni asa ırı kölemde alaiaqtyq jasauy mümkın degen azamattar qamauǧa alynbaǧan. «Altyn Orda new company» JŞS iesı Daniiar Älpiev kezdesuden qaşyp otyr, deidı zaŋger. «Qazırgı taŋda zaŋ talaby boiynşa būl käsıpkerler aryz jazdy. Jeke jazǧandary da bar, ūjymdasyp jazǧandary da bar. Daniiar Älpiev basqaratyn «Altyn Orda new company»būl kısılerden zaŋsyz aqşa alǧan. Ol boiynşa qazır qylmystyq ıs qozǧalyp, Qarasai audanynyŋ ışkı ıster basqarmasynda tergeu jürgızılude. Aita ketetın jaǧdai. Ol tergeuge köŋılımız tolmai otyr. Sebebı baiau jürıp jatyr. Aryz jazylsa da, qanşa uaqyttan berı ekımdı şaqyryp sūrau almaǧan. Sondyqtan būl kısıler ünsızdık bolǧan soŋ, osylai şyǧyp janaiqaiyn jetkızıp jatyr.Ükımetke jetsın degen oiy bar. Öitkenı būl jerden 1,5 mlrd teŋge aqşa jinap alyp, osylai joq bop ketuı jäne ony qūzyrly organdardyŋ ızdemeuı küdık tudyrady.
Älpievtıŋ kompaniiasy, iaǧni «Altyn Orda new company» būl jerde arendator rölınde bolǧan. Al «Kompaniia №1» degen mekeme būl bazar tūrǧan jerdıŋ iesı. Alǧaşqysyna keiıngısı jerdı jalǧa bergen. Al Daniiar Älpiev subarendatorlardan aqşa jinap, osy jerdı bız basqaramyz, ǧimarattarǧa bız jauap beremız dep qarjy jinap alǧan. Bıraq sol küiı joq. Aqşa bergen saudagerlerge ne jönın aitpaidy, ary qarai bola ma, bolmai ma degen saualǧa jauap bermeidı. Odan keiın jinalǧan qarajatqa mynandai qūrylyys jürıp jatyr, mynandai matertal aldyq dep esep bermeidı. Belgısızdık küige tüsırıp qoiǧan
Bügın narazy top pen BAQ ökılderınıŋ saualdaryna jauap beruge şyqqan «Altyn Orda» bazaryn basqaruşy kompaniia ökılı eşkımnıŋ dalada qalmaitynyn aitty. Bıraq saudagerlerdıŋ talabyna ışınara ǧana jauap berdı. Qazırgı basqaruşy kompaniianyŋ zaŋgerı Izbasar Tıleulin saudagerlerdıŋ uäjın basşyǧa jetkızetının aitty. Būl kısılermen 4-5 ret kezdestık. Qūrylys boiynşa qazır qylmystyq ıs jürıp jatyr. Is aiaqtalsa, būl qūrylys toqtamaidy, jüredı. Qolǧa alamyz. Polisiia basqarmasy saudagerlerdıjäbırlenuşı dep tanuy kerek. Sot jüredı. Sonyŋ şeşımıne sai bız qūrylysty aiaqtap, ielerıne beremız. Qūrylysqa tapsyrys beruşı: «Kompaniia №1» JŞS. Olar da būl ısten habardar»,- deidı bazar äkımşılıgınıŋ ökılı.
Pıkırler