قازاقستان ۇلتتىق قۇراماسىنىڭ مۇشەسى ايان بەيسەنباەۆ ترياتلوننان حانچجوۋدا ءوتىپ جاتقان ازيادانىڭ قولا مەدالىن يەلەندى. بۇل تۋرالى تۋريزم جانە سپورت مينيسترلىگى ايتتى، دەپ حابارلايدى «ادىرنا» ءتىلشىسى.
وتانداسىمىز جۇزۋدەن 1500 مەتردى باعىندىرىپ، ۆەلوەتاپپەن 40 شاقىرىم ءجۇرىپ ءوتتى. 10 كم جۇگىرىپ شىققانداعى ۋاقىتى — 1:52:25.
بايراقتى باسەكەدە التىن مەدالدى جاپوندىق سپورتشى كەنجي نەنەر (1:50:54) الدى، سونداي-اق كۇمىس مەدال دا جاپونيادان كەلگەن سپورتشى ماكوگو وداكۋراعا(1:51:49) بۇيىردى.
ايتا كەتەيىك، قازاقستان قۇراماسىنىڭ قورجىنىندا 23 مەدال بار: 3 التىن، 3 كۇمىس جانە 17 قولا.
