29 قىركۇيەكتە استانادا بولعان جول-كولىك وقيعاسىنا قاتىستى تەرگەۋ باستالدى دەپ حابارلايدى «ادىرنا» ۇلتتىق پورتالى استانا پوليتسيا دەپارتامەنتىنە سىلتەپ.
پوليتسيا مالىمەتىنە قاراعاندا، 29 قىركۇيەك كۇنى ساعات 08:31-دە Mەrcedes-Benz كولىگى بايتۇرسىنوۆ كوشەسىنەن جۇرگەنوۆ كوشەسىنە كەتىپ بارا جاتىپ، باسقا جولاققا تۇسەر كەزدە سول باعىتتا ءجۇرىپ بارا جاتقان Mazda كولىگىنە "اپاتتىق جاعدايتۋىنداتقان". سالدارىنان "كولىكتى تىزگىندەي الماي قالعان Mazda جۇرگىزۋشىسى ايالداماعا سوقتىعىسقان".
ايتا كەتۋ كەرەك، پوليتسيا دەپارتامەنتى (پد) وقيعا تۋرالى العاشقى حابارىنان باستاپ، جۇرگىزۋشىنىڭ "كولىكتى تىزگىندەي الماعانىنا" سەنىمدى بولعان سيىقتى. الايدا وقيعادان تاراعان
ۆيدەودا Mazda جۇرگىزۋشىسى ءوزىنىڭ الدىندا وڭعا بۇرىلماق بولعان Mەrcedes-Benz كولىگىن جول ەرەجەسىنە ساي وتكىزىپ جىبەرمەي، وڭ جاقتان باسىپ وزۋعا ارەكەتتەنگەنى بايقالادى. وسى اقپاراتتا پوليتسيا قوعام ءۇشىن Mazda جۇرگىزۋشىسىن جاقتاعانداي اسەردە قالدىرعان. الەۋمەتتىك جەلىدە وسى وقيعا قىزۋ تالقى تۋدىرعان.
استانا پد ءباسپاسوز مالىمەتىنشە، وقيعا بويىنشا قر قك-ءنىڭ 345-بابى 2-بولىگىمەن سوتقا دەيىنگى تەرگەۋ باستالىپ، بىرقاتار ساراپتاما تاعايىندالدى.
كۇدىكتى قر قپك-ءنىڭ 128-بابىنا سايكەس ۋاقىتشا ۇستاۋ اباقتىسىنا قامالدى، انىقتاۋ جۇمىستارى جۇرگىزىلىپ جاتىر.
ۇقساس جاڭالىقتار
