وتكەن اپتادا ىسكە قوسىلعان ريددەر جەو-داعى قازاندىق جۇمىسىن تاعى دا توقتاتتى، دەپ حابارلايدى «ادىرنا» ۇلتتىق پورتالى Ulysmedia.kz سايتىنا سىلتەمە جاساپ.
ريددەر اكىمى داۋلەت باتىرباەۆتىڭ ايتۋىنشا، ەرەجەگە سايكەس كۇردەلى جوندەۋدەن وتكەن ەلەكتر ستانتسيالارىنىڭ جابدىقتارى 48 ساعات ىشىندە جۇكتەمەمەن سىناقتان وتكىزىلەدى.
«جابدىقتى كەشەندى سىناۋ نەگىزگى جابدىقتىڭ قالىپتى جۇكتەمەسى جانە جىلۋ ەلەكتر ستانتسياسى ءۇشىن بۋدىڭ جوبالىق پارامەترلەرى (گاز تۋربينالىق قوندىرعىلار ءۇشىن) بار نەگىزگى وتىنمەن 72 ساعات ىشىندە قالىپتى جانە ۇزدىكسىز جۇمىس ىستەگەن جاعدايدا ءساتتى جۇرگىزىلدى دەپ ەسەپتەلەدى. اپاتتى جاعدايلاردى بولدىرماۋ ءۇشىن 2-3 قازان ارالىعىندا قوسىمشا تەكسەرۋ ءۇشىن №3 قازاندىق اگرەگاتىن توقتاتۋ قاجەت»، - دەدى اكىم.
تۇرعىندار بۇل اقپارات بۇكىل قالا ىستىق سۋ جوق دەپ شۋلاعاننان كەيىن ەمەس، سۋ بەرىلمەي تۇرىپ حابارلانۋى كەرەكتىگىن ايتتى.
ەستەرىڭىزگە سالا كەتەيىك، 2022 جىلدىڭ قاراشا ايىندا ريددەردە جەو اپاتىنا بايلانىستى توتەنشە جاعداي رەجيمى ەنگىزىلدى. 2023 جىلدىڭ ساۋىرىنەن باستاپ جەو-دا جوندەۋ جۇمىستارى باستالعان كەزدە قالادا ىستىق سۋ ءوشىرىلدى.
بۇعان دەيىن ريددەر جەو-نى جوندەۋ جۇمىستارىنا 7,3 ملرد تەڭگە بولىنگەنى حابارلانعان بولاتىن.
«ادىرنا» ۇلتتىق پورتالى
