ءال-فارابي اتىنداعى قازاق ۇلتتىق ۋنيۆەرسيتەتى، جۋرناليستيكا فاكۋلتەتىنىڭ وقىتۋشىسى داستان قاستاي ۋنيۆەرسيتەتتە وقىتۋشىلىق قىزمەتىن قايتا جالعاستىرادى. بۇل تۋرالى عىلىم جانە جوعارى ءبىلىم ءمينيسترى ساياسات نۇربەك فەيسبۋك پاراقشاسىندا جاريالادى، دەپ حابارلايدى «ادىرنا» ۇلتتىق پورتالى.
«دوستار، ءال-فارابي اتىنداعى قازاق ۇلتتىق ۋنيۆەرسيتەتىنىڭ جاس وقىتۋشىسى داستان قاستايدىڭ الەۋمەتتىك جەلىدەگى اشىق حاتىنا بايلانىستى وقۋ ورداسىنىڭ باسشىلىعىمەن تىكەلەي بايلانىستىم جانە ۇستازداردى جۇمىستان شىعارۋ نەمەسە قۋدالاۋ فاكتىلەرى بولماۋى كەرەكتىگى بويىنشا كەڭەستەرىمدى بەردىم. قازىرگى ۋاقىتتا داستان قاستاي باۋىرىمىزدىڭ جۇمىستان شىعارىلعانى تۋرالى بۇيرىق جوق ەكەندىگىن جانە جۋرناليستيكا فاكۋلتەتىندەگى قىزمەتىن جالعاستىرا بەرەتىندىگىن بارشاڭىزعا قۋانىشپەن جەتكىزەمىن», - دەپ جازدى ساياسات نۇربەك.
«ادىرنا» ۇلتتىق پورتالى.
