ششۋچينسكتەگى تەمىرجولدان 19 جاستاعى ستۋدەنتتىڭ دەنەسى تابىلدى، دەپ حابارلايدى «ادىرنا» ۇلتتىق پورتالى.
قازاقپاراتتىڭ مالىمەتىنە سايكەس، جاس جىگىتتىڭ دەنەسى اقمولا وبلىسىنداعى بۋراباي شيپاجايى – جامانتۇز ۋچاسكەسىندە تابىلعان.
مارقۇمنىڭ اتى-ءجونى – رومان بوداگوۆ. جوعارى تەحنيكالىق كوللەدجدىڭ 4-كۋرس ستۋدەنتى.
پوليتسيا مالىمەتىنشە، ونىڭ ءمايىتى بۋراباي كۋرورتى مەن جامانتۇز اراسىنداعى ۋچاسكەدە تەمىرجول بويىنان تابىلعان.
«6 قازاندا كوكشەتاۋ ستانساسىنداعى جەلىلىك پوليتسيا بولىمشەسىندە قر قىلمىستىق كودەكسى 344-بابىنىڭ 2-بولىگى («ابايسىزدا ادام ولىمىنە اكەلىپ سوقتىرعان تەمىرجول كولىگىن پايدالانۋ نەمەسە جول قوزعالىسى قاۋىپسىزدىگى قاعيدالارىن بۇزۋ، سونىڭ سالدارىنان تەمىرجول كولىگىن پايدالانۋ جانە كولىك قۇرالىن پايدالانۋ قاۋىپسىزدىگىن بۇزۋ») بويىنشا سوتقا دەيىنگى تەرگەۋ باستالدى. قازىرگى ۋاقىتتا ءىس بويىنشا ءتيىستى تەرگەۋ امالدارى جۇرگىزىلىپ جاتىر»، - دەپ اتاپ ءوتتى پوليتسيا قىزمەتكەرى.
«ادىرنا» ۇلتتىق پورتالى
