شۆەتسيادا قۇراندى ورتەگەن ادام العاش رەت جاۋاپقا تارتىلدى. ۇكىمدى لينچيوپينگ اۋداندىق سوتى شىعاردى، دەپ حابارلايدى «ادىرنا» ءتىلشىسى.
27 جاستاعى ەر ادام مۇسىلماندارعا باعىتتالعان ەتنيكالىق توپقا قارسى ۇگىت جۇرگىزگەنى ءۇشىن كىنالى دەپ تانىلدى. سوت وعان شارتتى جازا بەرىپ، ايىپپۇل سالدى.
ءىستىڭ قوزعالۋىنا ايىپتالۋشىنىڭ 2020 جىلى X-تەگى (بۇرىنعى Twitter — رەد.) پاراقشاسى مەن YouTube ارناسىنا جۇكتەگەن بەينەجازباسى نەگىز بولعان. ۆيدەودا ەر ادامنىڭ شوشقا ەتىنە ورالعان قۇراندى ورتەپ جىبەرگەن ءساتى كورسەتىلەدى.
لينچيوپينگتەگى سوتقا كەلگەن ەر ادام ءوزىنىڭ بۇل ارەكەتى يسلامدى ءدىن رەتىندە سىناۋ ماقساتىندا جاسالعانىن ايتتى.
ايتا كەتەيىك، بۇعان دەيىن شۆەتسيادا قۇراندى ورتەۋگە بىرنەشە رەت رۇقسات بەرىلگەن ەدى.
ۇقساس جاڭالىقتار
