پورتۋگاليا كومانداسىنىڭ كاپيتانى ءارى شابۋىلشىسى كريشتيانۋ رونالدۋ 30 جاسىنان كەيىن ەڭ كوپ گول سوققان ويىنشى اتاندى، دەپ حابارلايدى «ادىرنا» ۇلتتىق پورتالى قازاقپاراتقا سىلتەمە جاساپ.
2024 جىلعى ەۋروپا چەمپيوناتىنا ىرىكتەۋ تۋرنيرىندە 38 جاستاعى ك.رونالدۋ سلوۆاكيامەن ماتچتا (3:2) قوس گولدىڭ اۆتورى اتانىپ، ءوز كومانداسىنا جەڭىس اپەردى.
وسىلايشا، رونالدۋ حالىقارالىق دەڭگەيدە ءوزىنىڭ 30 جاسىنان كەيىن 73-گولىن ەنگىزدى. مۇنداي ناتيجەگە 192 ەلدەن ەشكىم جەتىپ كورگەن ەمەس.
بۇل مەملەكەتتەردىڭ قاتارىندا گەرمانيا، فرانتسيا، يتاليا، انگليا، يسپانيا، نيدەرلاند، شۆەتسيا، حورۆاتيا، دانيا، ۋرۋگۆاي، كولۋمبيا، چيلي، مەكسيكا، اقش، مىسىر، گانا جانە باسقالار بار.
2024 جىلعى ەۋروپا چەمپيوناتىنىڭ ىرىكتەۋ ساتىسىندا J توبىندا پورتۋگاليا قۇراماسى 21 ۇپاي جيناپ، كوش باستاپ تۇر.
روبەرتو مارتينەستىڭ كومانداسى قازىردىڭ وزىندە ەۋروپا بىرىنشىلىگىنە ءوتتى دەۋگە بولادى. ويتكەنى پورتۋگاليا ەكىنشى ورىننان تومەندەمەيدى. ءار توپتان ەكى ۇزدىك قۇراما جولداما الادى.
