فۋتبولدان قازاقستان ايەلدەر قۇراماسى ۇلتتار ليگاسىندا ءىرى جەڭىسكە جەتتى

ەلورداداعى «استانا ارەنا» ستاديونىندا فۋتبولدان قازاقستان ايەلدەر قۇراماسى ارمەنيانى جەڭدى، دەپ حابارلايدى "ادىرنا" ۇلتتىق پورتالى. بۇل قازاقستان كومانداسىنىڭ ۋەفا-نىڭ ۇلتتار ليگاسىنداعى سوڭعى، التىنشى ماتچى ەدى. ءبىرىنشى تايمدا 40-مينۋتتا قازاقستان قۇراماسىنىڭ كاپيتانى يۋليا مياسنيكوۆا ەسەپ اشتى. ويىننىڭ ەكىنشى جارتىسىندا 48-مينۋتتا ايدا گايستەنوۆا ەسەپتى 2:0-گە جەتكىزدى. ون مينۋتتان كەيىن يۋ.مياسنيكوۆا ەكىنشى گولىن سوقتى. 68-مينۋتتا ارمەنيا ويىنشىسى كلاۋديا چولاكيان ايىپ دوبىن ورىنداپ، ءبىر گول سوقتى. دەگەنمەن 71-مينۋتتا كاميلا قۇلماعامبەتوۆا ماتچتى 4:1 ەسەبىمەن تۇيىندەدى. التى تۋردىڭ قورىتىندىسى بويىنشا ماديار كەمبىلوۆ جاتتىقتىراتىن قازاقستان قۇراماسى س4 توبىندا 8 ۇپايمەن ءۇشىنشى ورىنعا يە بولدى. يزرايل (16 ۇپاي) كوش باستاسا، ەستونيا (10 ۇپاي) ەكىنشى ساتىعا جايعاستى. ال ارمەنيادا بىردە-ءبىر ۇپاي جوق.