پاۆلوداردا پوليتسيا ءبولىمى باستىعىنىڭ ورىنباسارى جۇكتى قىزمەتكەردى سوققىعا جىقتى دەگەن كۇدىككە ءىلىندى، دەپ حابارلايدى "ادىرنا" ءتىلشىسى Pavlodarnews.kz-كە سىلتەمە جاساپ.
بەلگىلى بولعانداي قازىر ارىز بويىنشا تەكسەرىس باستالعان. ايماقتىق پوليتسيا دەپارتامەنتىنىڭ باسشىسى ۆاسيلي سكليار:
"مەنىڭ تاپسىرماممەن پوليتسيا دەپارتامەنتى قىزمەتتىك تەرگەۋ باستادى. وقيعانىڭ ءمان-جايى مەن سەبەبى تەكسەرىس بارىسىندا انىقتالادى", - دەدى سكليار.
وقيعاعا قاتىستى جابىرلەنۋشى 13 قازان كۇنى قوڭىراۋ شالعان. كەزەكشىنىڭ ايتۋىنشا وعان ارنايى قۇقىق قورعاۋ بولىمشەسىنىڭ تەرگەۋشىسى، پوليتسيا اعا لەيتەنانتى اينيسا تاحرادينوۆانىڭ قوڭىراۋ شالعان.
حابارلامادا جۇكتىلىگى بەس اپتالىق بولعان كەلىنشەكتى 413 كابينەتتە ىشىمدىككە تويىپ العان تەرگەۋ باستىعىنىڭ ورىنباسارى ماناس مۇقاشەۆتىڭ ۇرىپ-سوققانى ايتىلادى.
ءوز ارىزىندا ءبولىم قىزمەتكەرى ءبولىم باستىعىنىڭ ورىنباسارىن قول كوتەردى دەپ ايىپتاپ، ءتيىستى شارا قولدانۋدى سۇراعان.
