ەۋرازيالىق بانك قازاقستاندىق تۇرعىن ءۇي كومپانياسىمەن بىرلەسىپ Digital Bridge 2023 حالىقارالىق فورۋمى شەڭبەرىندە ۇلەستىك قۇرىلىس سالاسىنداعى جاڭا تسيفرلىق جوبانى ۇسىندى.
جوبانىڭ ءمانى — قۇرىلىس سالۋشىلارعا ەۋرازيالىق بانكتە ونلاين رەجيمدە اقشا قاراجاتىن ماقساتسىز پايدالانۋدان قورعاۋعا كەپىلدىك بەرەتىن مامانداندىرىلعان شوتتار اشۋعا مۇمكىندىك بەرۋ بولىپ تابىلادى.
وسى باستامانىڭ بارىسىندا تولەم نەگىزدەرىن تەكسەرۋگە مۇمكىندىك بەرەتىن فۋنكتسيونال ازىرلەندى. ول سونداي-اق قاداعالاۋ ورگاندارىنا قۇرىلىس جۇمىستارىنىڭ ورىندالعانىن راستايتىن قۇجاتتارعا قول قويۋعا مۇمكىندىك بەرەدى.
بۇدان باسقا، ەۋرازيالىق بانك پەن قازاقستاندىق تۇرعىن ءۇي كومپانياسىنىڭ جوباسى ناقتى ۋاقىت رەجيمىندە تۇرعىن ءۇي قۇرىلىسىنىڭ ءاربىر كەزەڭىنە مونيتورينگ جۇرگىزۋگە جانە بولجامدى تالداۋدىڭ ارقاسىندا قۇرىلىس جوسپارىن كەز كەلگەن اۋىتقۋلاردى انىقتاۋعا مۇمكىندىك بەرەدى.
ەۋرازيالىق بانكتىڭ باسقارما ءتورايىمى ءلاززات ساتيەۆا جاساندى ينتەللەكت پەن جاڭا تەحنولوگيالاردىڭ ۇلەستىك قۇرىلىستى باقىلاۋعا قالاي اسەر ەتەتىنىن ءتۇسىندىردى.
«جاساندى ينتەللەكتتىڭ ءرولىن اسىرا باعالاۋ قيىن، ويتكەنى بۇل شەكسىز شەشىمدەر بەرە الاتىن تەحنولوگيا. ءبىزدىڭ جوبا ءۇشىن بۇل تەحنولوگيا شوتتاردان قاراجاتتىڭ ءتۇسۋى مەن جۇمسالۋىن تالداۋعا جانە دۇرىس قورىتىندى جاساۋعا، سايكەسىنشە قۇرىلىس بارىسى جانە جىلجىمايتىن مۇلىكتى پايلادانۋعا بەرۋ مەرزىمى تۋرالى دۇرىس اقپارات بەرۋگە مۇمكىندىك بەرەدى. مەنىڭ ويىمشا، قازاقستاندىق تۇرعىن ءۇي كومپانياسىمەن بىرلەسىپ ازىرلەنگەن تسيفرلىق شەشىم — ۇلەسكەرلەرگە ءوز جىلجىمايتىن مۇلىكتەرىنىڭ قۇرىلىسىنىڭ اياقتالۋىن سەنىمدى تۇردە كۇتۋگە، ال مەملەكەتكە — مونيتورينگ جاساۋ ءۇشىن تاپتىرماس قۇرال بولادى»، – دەدى ول.
قازاقستاندىق تۇرعىن ءۇي كومپانياسىنىڭ باسقارما توراعاسىنىڭ مىندەتىن اتقارۋشى التاي كۇزدىباەۆ اتاپ وتكەندەي، قازاقستاندىقتار ءوز قاراجاتتارىن ۇلەستىك قۇرىلىسقا ينۆەستيتسيالاۋ كەزىندە بەلگىلى ءبىر تاۋەكەلدەرگە ۇشىرايدى. تسيفرلىق جوبا — بۇل تاۋەكەلدەردى ازايتادى.
«نەگىزگى تاۋەكەلدەردىڭ ءبىرى — قۇرىلىس سالۋشىنىڭ ۇلەسكەرلەردىڭ جيناقتالعان قاراجاتىن ماقساتسىز پايدالانۋى. سوندىقتان بۇل شەشىم ەڭ الدىمەن ۇلەسكەرلەردىڭ قاراجاتىنىڭ ساقتالۋىن جانە ماقساتتى پايدالانىلۋىن قامتاماسىز ەتۋگە مۇمكىندىك بەرەدى»، – دەپ تۇيىندەدى التاي كۇزدىباەۆ.
بۇل رەتتە، تسيفرلىق جوبا — قۇرىلىس-مونتاجداۋ جۇمىستارىنىڭ، نىساندى پايدالانۋعا بەرۋدىڭ مەرزىمدەرىن وزگەرتۋ بويىنشا بولجامدى تالداۋدى قالىپتاستىرا الادى، سونداي-اق قاجەتتى قۇجاتتارعا قول جەتكىزۋدى قامتاماسىز ەتەدى.
وسىلايشا، ەۋرازيالىق بانك پەن قازاقستاندىق تۇرعىن ءۇي كومپانياسىنىڭ تسيفرلىق شەشىمى ۇلەستىك قۇرىلىسقا قاتىسۋشىلار ءۇشىن الەۋەتتى تاۋەكەلدەردى ازايتا وتىرىپ، قازاقستانداعى ۇلەستىك قۇرىلىستىڭ اشىقتىعىن ارتتىرۋعا ىقپال ەتەدى.
№ 1.2.68/242/40 ليتسەنزيا 2020 جىلعى 3-اقپانىندا قر قارجى نارىعىن رەتتەۋ جانە دامىتۋ اگەنتتىگىمەن بەرىلگەن.
قر قارجى نارىعىن رەتتەۋ جانە دامىتۋ اگەنتتىگى بەرگەن 2020 جىلعى 3 اقپانداعى № 1.2.68/242/40 ليتسەنزياسى
