قازاقستاندىق ياسمين دۇيسەمباەۆا يسپانيانىڭ سانتا پونسا قالاسىندا 12 جاسقا دەيىنگىلەر اراسىندا ەكىنشى ساناتتاعى Tennis Europe سەرياسى بويىنشا وتكەن ءتۋرنيردىڭ چەمپيونى اتاندى، دەپ حابارلايدى «ادىرنا» ۇلتتىق پورتالى.
قازاقستان تەننيس فەدەراتسياسى ءمالىم ەتكەندەي, ياسمين فينالدا بولگاريا وكىلى مايا ميحوۆانى 7:5, 6:2 ەسەبىمەن جەڭدى. ۇلدار اراسىندا تاعى ءبىر قازاقستاندىق احمادي ماحانوۆ فينالعا دەيىن جەتىپ، كورت يەسى توماس مارتينگە جول بەردى – 1:6, 1:6. احمادي ەسەسىنە جۇپتىق سىندا بالقان نۇرداۋلەتپەن بىرگە سوڭعى باسەكەدە سلوۆاكيالىق لەونارد نيپتس – ۋكراينالىق ەگور رومانيۋتتى 6:1, 6:2 ەسەبىمەن ۇتىپ، جەڭىمپازدار قاتارىنا قوسىلدى. ادەمى السەيپۋلوۆا نيدەرلاندتىق پيپپا فەننيسپەن بىرگە فينالدا يسپانيالىقتار پەلاس – بەلترانعا ەسە جىبەردى – 3:6, 4:6.«ادىرنا» ۇلتتىق پورتالى
