تاراز قالاسىنىڭ N2 سوتىنىڭ ۇكىمىمەن ماڭعىستاۋ جانە اقتوبە وبلىستارىنىڭ تۋمالارى قىز الىپ قاشقانى ءۇشىن سوتتالدى، دەپ جازادى “ادىرنا” پورتالى جامبىل وبلىستىق پروكۋراتۋراسىنا سىلتەپ.
2022 جىلدىڭ كوكتەمىندە «ج» ەسىمدى ازامات ورتاق دوستارى ارقىلى «ا» ەسىمدى ازاماتتى كەزدەستىرەدى.
بىرنەشە كەزدەسۋلەردەن كەيىن قىز ودان ءارى بايلانىسۋدان باس تارتتى.
الايدا، وسىعان قاراماستان ازامات «ف» ودان ءارى تۇرمىسقا شىعۋ ءۇشىن قىزدى ۇرلاۋعا شەشىم قابىلداعان.
2023 جىلدىڭ اقپان ايىندا تاراز قالاسىنا كەلىپ، ءوزىنىڭ قۇربىسى ازاماتشا «ج» بىرگە ءوزىنىڭ جوسپارىن جۇزەگە اسىرۋعا كىرىسىپ، قىزدى الداپ، كۇشتەپ كولىككە وتىرعىزىپ، قالادان شىعىپ كەتپەك بولعان.قىزدىڭ كومەككە شاقىرعان ايقايىن ەستىگەن كورشىلەرى پوليتسيا شاقىرعان.پوليتسەيلەر جەدەل ارەكەت ەتىپ، كۇدىكتىلەردىڭ كولىگىن ۇستادى.
2023 جىلدىڭ 21 قىركۇيەگىندە سوت ۇكىمىمەن كۇيەۋ جىگىت تە، ونىڭ دوسى دا قازاقستان رەسپۋبليكاسى قىلمىستىق كودەكسىنىڭ 125 بابى 2-بولىگىنىڭ 1-تارماعى بويىنشا سوتتالىپ، 7 جىلعا باس بوستاندىعىنان ايىرىلدى.
ۇكىم زاڭدى كۇشىنە ەنگەن جوق.
ۇرلاۋ، ونىڭ ىشىندە قىز الىپ قاشۋ ادام قۇقىقتارىن جانە بوستاندىق پەن تەڭدىكتىڭ نەگىزگى پرينتسيپتەرىن بۇزۋ بولىپ تابىلاتىنىن اتاپ وتكەن ءجون.
وسىعان بايلانىستى پروكۋراتۋرا ادام ۇرلاۋدىڭ ناقتى باس بوستاندىعىنان ايىرۋمەن جازالاناتىن اۋىر قىلمىس ەكەنىن ەسكەرتەدى.
