بەلگىلى كاسىپكەر قايرات بورانباەۆتىڭ بوستاندىققا قاشان شىعاتىنى بەلگىلى بولدى. بۇل تۋرالى باس پروكۋروردىڭ ورىنباسارى اسەت شىنداليەۆ مالىمدەدى، دەپ حابارلايدى “ادىرنا” ۇلتتىق پورتالى.
بۇعان دەيىن قايرات بورانباەۆتىڭ جازاسىنىڭ ۇشتەن ءبىر بولىگىن وتەپ، بوساپ شىعاتىنى بەلگىلى بولدى. جۋرناليستەر باس پروكۋراتۋرا وكىلىنەن كاسىپكەردىڭ بوستاندىققا قاشان شىعاتىنىن ناقتىلاۋىن سۇرادى.
قازىرگى تاڭدا سوتتىڭ شەشىمى قابىلداندى. سوتتىڭ شەشىمى زاڭدى كۇشىنە ەنگەن كەزدە بوستاندىققا شىعادى. قازىر ناقتى قاي كۇنى شىعاتىنىن ايتا المايمىن، ەسىمدە جوق. بىراق سوتتىڭ شەشىمى ءبىر اپتا بۇرىن قابىلداندى دەسەك، سودان باستاپ ون بەس كۇندەي كۇتۋ كەرەك. ياعني ءبىر اپتادان كەيىن شىعۋى مۇمكىن، - دەپ جاۋاپ بەردى باس پروكۋروردىڭ ورىنباسارى سەناتتىڭ جالپى وتىرىسىنان كەيىن كۋلۋاردا بەرگەن سۇحباتىندا.
