اسا قاتىگەزدىكپەن ايەلى سالتانات نۇكەنوۆانى ءولتىردى دەپ ايىپتالعان ەكس-مينيستر قۋاندىق بيشىمباەۆقا قاتىستى قىلمىستىق ءىس بويىنشا ءجارىسسوز ساعات 14.30-عا شەگەرىلدى، دەپ حابارلايدى “ادىرنا” ۇلتتىق پورتالى.
“سوتتالۋشىلار قۋاندىق بيشىمباەۆ پەن ونىڭ تۋىسى باقىتجان بايجانوۆ كونۆوي قىزمەتىندە ماسەلە تۋىنداۋىنا بايلانىستى سوتقا جەتكىزىلمەدى”، دەپ ءتۇسىندىردى سۋديا ايجان قۇلباەۆا.
سوندىقتان ءىس بويىنشا ءجارىسسوز تۇستەن كەيىن جالعاسادى.
سوت وتىرىسىنا توراعالىق ەتىپ جاتقان سۋديا ايجان قۇلباەۆانىڭ ايتۋىنشا، ءجارىسسوز 29 جانە 30 ساۋىردە، 2 جانە 3 مامىردا وتەدى، قاجەت بولعان جاعدايدا 4 مامىردا جالعاسادى.
ايتا كەتەرى، قۋاندىق بيشىمباەۆقا ەكى باپ بويىنشا ايىپ تاعىلدى: اسا قاتىگەزدىكپەن كىسى ءولتىرۋ (15 جىلدان 20 جىلعا دەيىن نەمەسە ءومىر بويىنا باس بوستاندىعىنان ايىرۋ); قيناۋ (4 جىلدان 7 جىلعا دەيىن باس بوستاندىعىن شەكتەۋ نەمەسە وسى مەرزىمگە باس بوستاندىعىنان ايىرۋ).
