ۇكىمەت وتىرىسىنان كەيىن وتكەن ءباسپاسوز ءماسليحاتىندا ىشكى ىستەر ۆيتسە-ءمينيسترى مارات قوجاەۆ ساپاسىز جولدىڭ كەسىرىنەن اپاتقا ۇشىراعان جۇرگىزۋشىلەردىڭ كەيبىرى مەملەكەتتەن كەلگەن شىعىندى ءوندىرىپ الىپ جاتقانىن ايتتى، دەپ حابارلايدى «ادىرنا» ۇلتتىق پورتالى.
ءجۋرناليستىڭ «كولىك جۇرگىزۋشىسى جامان جولدا اپاتقا ءتۇسىپ، ماشينەسى جارامسىز بولىپ قالسا، مەملەكەتتەن سوت ارقىلى اقشا وندىرە الا ما؟»، - دەپ قويعان ساۋالىنا ۆيتسە-مينيستر ونىڭ مۇمكىن ەكەنىن ايتتى.
مارات قوجاەۆتىڭ ايتۋىنشا، ول ءۇشىن اپاتتىڭ ناقتى جول ساپاسىزدىعىنان بولعانىن دالەلدەۋ كەرەك.
«ارينە، جول-كولىك وقيعاسىنىڭ سەبەبى جولدىڭ جاعدايىنا قاتىستى ەكەنى دالەلدەنسە، سونىڭ كەسىرىنەن جۇرگىزۋشىدە اپاتتىڭ الدىن الۋعا مۇمكىندىك بولماسا، سوتقا ازاماتتىق نەگىزدە شاعىم تۇسىرە الادى. ونداي فاكتىلەر بولعان جانە مۇلكىنە كەلگەن زالالدى ءوندىرىپ العاندار بار. قازىر ولاردىڭ ناقتى سانىن ايتا المايمىن»، - دەدى ۆيتسە-مينيستر.
«ادىرنا» ۇلتتىق پورتالى.
