«قازاقستان تەمىر جولىنىڭ» بۇرىنعى باسشىسى جاقسىبەك قۇلەكەەۆ بۇرىنعى پرەزيدەنت نۇرسۇلتان نازارباەۆتى كەشىرۋدى سۇرادى، - دەپ حابارلايدى "ادىرنا" ۇلتتىق پورتالى.
جاقسىبەك قۇلەكەەۆ نازارباەۆتىڭ 30 جىل بويى ەل ءۇشىن اتقارعان ەڭبەگى زور ەكەنىن ايتتى.
ء"بارى بىردەي ول كىسىدەن تەرىس اينالىپ كەتتى دەپ ايتۋ قيىن شىعار. جانىندا جۇرگەن ازاماتتار بار. نازارباەۆتىڭ ءوزىن دە كەزەڭ-كەزەڭگە ءبولىپ قاراۋ كەرەك. العاش ەگەمەندىك العان كەزدە 2005 جىلعا دەيىن ەلباسى وتە ۇلكەن قىزمەت جاسادى. جالپى ەگەمەندىكتىڭ 30 جىلدىعىندا ەلباسىنىڭ اتقارعان ەڭبەگى زور. قازاقستاندى دۇنيەجۇزىنە تانىتتى، شەكارامىزدى بەكىتتى، ول كىسىنىڭ قابىلەتى وتە زور ازامات. ال سوڭعى 10 شاقتى جىلدا ول كىسى ءوزىنىڭ بەدەلىن، بيلىگىن جەكە باسىنا، وتباسىنا كوبىرەك پايدالانىپ كەتتى. سودان حالىق شارشادى", - دەيدى قۇلەكەەۆ "سۇراۋى بار" YouTube-ارناسىنا بەرگەن سۇحباتىندا.
جاقسىبەك قۇلەكەەۆ نۇرسۇلتان نازارباەۆتى كەشىرۋدى سۇرادى.
"ەلباسى دا پەندە، ول دا اكە. ول دا اتا. نەمەرە، شوبەرە ءسۇيىپ وتىر. وتباسىنىڭ اينالاسىنداعىلارعا قاتىستى قوعامدا ايتىلىپ جاتقان پىكىرلەرگە و كىسى الاڭدامايدى ەكەن، قىنجىلمايدى ەكەن دەپ ايتۋ وتە قيىن. ول دا ەت پەن سۇيەكتەن جارالعان ادام عوي. مەنىڭشە، و كىسىنى ءدال قازىر تابالاۋدىڭ قاجەتى جوق. قولىمىزدان كەلەتىن بولسا، ەگەمەندىك ءۇشىن، كەلەشەك ۇرپاق ءۇشىن و كىسىنىڭ جاقسى اتىن ساقتاپ قالعان دۇرىس.
ەلباسى مەن ونىڭ اينالاسىندا جۇرگەن ادامداردىڭ وزبىرلىعىن نەمەسە قىلمىستىق ارەكەتىن ءبولىپ قاراعان ءجون دەپ ويلايمىن. پرەزيدەنتتىڭ ۇستاپ وتىرعان ساياساتى دا سونداي. مەملەكەت ءۇشىن، بولاشاق ۇرپاقتار ءۇشىن، ەگەمەندىكتىڭ تۋىن بەرىك قىلۋ ءۇشىن نازارباەۆتىڭ اتقارعان ءرولى وتە جوعارى. و كىسىنى قازىر قورلايتىن بولساق، ول – ەگەمەندىكتى قورلاعانمەن بىردەي نارسە. سوندىقتان بۇل تۇرعىدا مەن حالىقتىڭ ەلباسىعا كەشىرىمدى بولعانىن قالار ەدىم. ال وتباسىنىڭ جاقىن مۇشەلەرى مەن وتباسىعا جاقىن ازاماتتار، جاقىندىعى بولماسا دا سول كىسىنىڭ جانىندا ءجۇرىپ كوپ پايداسىن كورگەن ازاماتتار بار. سولاردىڭ ءىسىن كەشىرۋ-كەشىرمەۋ جاساعان ءىس-ارەكەتتەرىنە، قىلمىسىنا بايلانىستى", - دەدى قۇلەكەەۆ.
ەسكە سالا كەتەيىك، قۇلەكەەۆ 2008 جىلدىڭ 13 قاراشاسىندا استانا قالاسىنىڭ سارىارقا سوتىمەن «قتج» ۇك» اق پرەزيدەنتى لاۋازىمىنداعى قىزمەتتىك وكىلەتتىكتەرىن اسىرا پايدالانعانى جانە قىزمەتتىك وكىلەتتىگىن اسىرا پايدالانعانى ءۇشىن 3 جىلعا باس بوستاندىعىنان ايىرىلدى، دەسە دە قۇلەكەەۆتى پارا العانى ءۇشىن سوت اقتاپ العان بولاتىن.
جاقسىبەك قۇلەكەەۆ قاڭتار وقيعاسىنان كەيىن «قاڭتار وقيعاسى: اقوردا ءۇشىن كۇرەس» اتالاتىن كىتاپ جازعانى بەلگىلى.
