مولدوۆانىڭ ەكس-پرەزيدەنتى دودون ءۇي قاماۋىنا الىندى. بۇل تۋرالى NewsMaker. پورتالى جاريالادى، دەپ حابارلايدى "ادىرنا" ۇلتتىق پورتالى.
سوت ەكس-پرەزيدەنتتى يزولياتورعا ورنالاستىرۋدى سۇراعان پروكۋروردىڭ ءوتىنىشىن ءىشىنارا قاناعاتتاندىردى. بۇعان دەيىن يگور دودون سىبايلاس جەمقورلىق، زاڭسىز بايۋ، سونداي-اق، وتانىنا وپاسىزدىق جاسادى دەگەن كۇدىككە ىلىنگەن.
2020 جىلى بۇرىنعى دەپۋتات يۋري رەنيتسە سول كەزدەگى پرەزيدەنت يگور دودون دەمپارتيانىڭ جەتەكشىسى ۆلاديمير پلاحوتنيۋك پەن ونىڭ ورىنباسارى سەرگەي يارالوۆپەن كەزدەسكەن ۆيدەونى جاريالادى. ۆيدەودا دودون پلاحوتنيۋكتەن پاكەت العان. دەپۋتاتتىڭ ايتۋىنشا، وندا قوماقتى اقشا بولعان. كەزدەسۋ 2019 جىلعى ماۋسىمدا وتكەن، بىرنەشە كۇننەن كەيىن پلاحوتنيۋك ەلدەن كەتكەن.
2020 جىلعى ماۋسىمدا سىبايلاس جەمقورلىققا قارسى پروكۋراتۋرا دودونعا قارسى قىلمىستىق ءىس قوزعاۋدان باس تارتتى، ويتكەنى قىلمىس بەلگىلەرى انىقتالماعان. بۇل شەشىمدى كيشينەۆ سوتى قولداعان بولاتىن، بىراق 17 مامىردا كيشينەۆتىڭ اپەللياتسيالىق پالاتاسى ءبىرىنشى ساتىداعى سوت شەشىمىن جويدى.
ايتا كەتەيىك، بۇعان دەيىن مولدوۆانىڭ بۇرىنعى پرەزيدەنتى يگور دودون 72 ساعات قاماۋعا الىنىپ، ونىڭ ۇيىندە جانە كالاراش اۋدانىنداعى دودوننىڭ باسقا نىساندارىندا ءتىنتۋ جۇرگىزىلگەن بولاتىن.
"ادىرنا" ۇلتتىق پورتالى
