اقمولادا مەملەكەت بيۋدجەتىن وزىنە زاڭسىز اۋدارعاندار انىقتالدى، دەپ حابارلايدى "ادىرنا" ءتىلشىسى Orda.kz-كە سىلتەپ.
اقمولا وبلىسى پروكۋراتۋراسى تسەلينوگراد اۋدانىندا تەكسەرۋ جۇرگىزدى. ناتيجەسىندە مەملەكەت بيۋدجەتىن نەگىزسىز جۇمساعاندار انىقتالدى.
تەكسەرۋ بارىسىندا قاراوتكەل اۋىلدىق وكرۋگى اكىمدىگىنىڭ قىزمەتكەرلەرى ءۇش جىل بويى ءوز ەڭبەكاقىلارىنا قوسىمشا قاراجات العان. ولار 15 ميلليون تەڭگەدەن استام قارجىنى قالتالارىنا باسىپ كەلگەنى انىقتالدى.
قازىر اتالعان ىسكە قاتىستى قىلمىستىق كودەكستىڭ 189-بابى («اسا ءىرى كولەمدەگى ۇرلىق») 4-ءبولىمىنىڭ 2-تارماعى بويىنشا لاۋازىمدى تۇلعالارعا قاتىستى سوتقا دەيىنگى تەرگەۋ باستالدى.
