ۇلتتىق قاۋىپسىزدىك كوميتەتىنىڭ بۇرىنعى توراعاسى كارىم ءماسىموۆ شىعارىلعان ۇكىمگە قاتىستى اپەللياتسيالىق شاعىم ءتۇسىردى. بۇل تۋرالى قالالىق سوتتىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
24 ساۋىردە استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى ۇلتتىق قاۋىپسىزدىك كوميتەتىنىڭ بۇرىنعى توراعاسى كارىم ماسىموۆكە جانە ونىڭ ورىنباسارلارى ا.سادىقۇلوۆقا، د.ەرعوجينگە، م.وسيپوۆكە قاتىستى قىلمىستىق ءىس بويىنشا ۇكىمىن جاريا ەتتى.
كارىم ءماسىموۆ 18 جىلعا سوتتالعان ەدى.
"اپەللياتسيالىق شاعىم ءتۇسىرىلدى، بىراق ءىس اپەللياتسيالىق سوتقا ءالى كەلىپ تۇسكەن جوق. اتاپ ايتقاندا، ءىس "اسا قۇپيا" مارتەبەسىمەن قارالعاندىقتان، باسقا مالىمەتتەر جاريا ەتۋگە جاتپايدى", - دەلىنگەن قالالىق سوت ءباسپاسوز قىزمەتىنىڭ مالىمەتىندە.
ەسكە سالساق، ۇقك-ءنىڭ ەكس-باسشىسى كارىم ماسىموۆكە قاڭتار وقيعاسى بويىنشا ايىپ تاعىلعان بولاتىن. باس پروكۋرور بەرىك اسىلوۆ اتاپ وتكەندەي، تارتىپسىزدىكتەر كەزىندە ءماسىموۆتىڭ تاپسىرماسى بويىنشا ۇقك دەپارتامەنتتەرىنىڭ جەكە قۇرامى جۇمىس ورىندارىن تاستاپ كەتكەن.
