ءانشى ءالي وقاپوۆ جەلىدەگى سىننان كەيىن بارلىق ماراپاتىنان باس تارتاتىنىن مالىمدەدى. بۇل تۋرالى ول Instagram جەلىسىندە ايتتى، دەپ حابارلايدى «ادىرنا» ءتىلشىسى.
«وسى ۆيدەو ارقىلى مەن 32 جىلدا العان بارلىق ماراپاتتارىمنان باس تارتام دەپ شەشتىم. مۇنى باياعىدان-اق ىستەگىم كەلگەن»،—دەدى ونەر يەسى.
ءالي وقاپوۆ ماراپاتتاردى قايتارۋ ءۇشىن زاڭداردى مۇقيات وقىعانىن اتاپ ءوتتى.
«ناگرادالاردا قازاقستان رەسپۋبليكاسىنىڭ مەملەكەتتىك رامىزدەرى بەينەلەنگەن. سوندىقتان مەن زاڭدى زەرتتەپ، قايتارۋ تۋرالى نورماتيۆتىك قۇقىقتىق اكتىلەردى ىزدەدىم. الايدا ەشتەڭە تاپپادىم. ونداي نورما جوق. مەنىڭشە، ولاي ەشكىم دە ىستەگەن جوق. سوندىقتان ناگرادالارعا قاتىستى قۇزىرلى ورگانداردىڭ شەشىمىن كۇتەمىن. قانداي شەشىم شىقسا، سولاي ىستەيمىن. بارلىعىن دا جاساۋعا دايىنمىن»،—دەپ ءتۇسىندىردى ول.
سونداي-اق ەسترادا ءانشىسى مادەنيەت جانە اقپارات مينيسترلىگى مەن ماراپات بەرۋگە اتسالىسقان ادامدارعا العىسىن ءبىلدىردى.
ەسكە سالايىق، بۇعان دەيىن ءانشى، مۋزىكانت ءالي وكاپوۆتىڭ «قۇرمەت» وردەنىمەن ماراپاتتالعانىن، بىراق ونى جەلى قولدانۋشىلارى سىناعانىن جازعان ەدىك.
View this post on Instagram
<
