IV ازيا پارا ويىندارىنا قاتىسقان قازاقستان سپورتشىلارى ەلگە ورالدى، دەپ حابارلايدى «ادىرنا» ۇلتتىق پورتالى BAQ.KZ سايتىنا سىلتەمە جاساپ.
حانچجوۋ قالاسىندا وتكەن ازيا پارا ويىندارىنىڭ جەڭىمپازدارى مەن جۇلدەگەرلەرى الماتىعا كەلدى. ازيا پارا ويىندارىندا نۇرداۋلەت جۇماعالي جۇزۋدەن ازيا پارا ويىندارانىڭ ەكى دۇركىن چەمپيونى اتانعان ەدى.
ازيا پارا ويىندارى جوعارى دەڭگەيدە ءوتتى. قىتاي تاراپى ازياداعا جاقسى دايىندالعان. ءتىپتى توكيوداعى وليمپيادا ويىندارىمەن سالىستىرعاندا ۇيىمداستىرۋ دەڭگەيى مىقتىراق دەۋگە بولادى. الدىڭعى الەم چەمپيوناتىندا السىزدەۋ جۇزگەنمىن. ال بۇل جارىستا جەڭىسكە جەتىپ، جاڭا ازيا رەكوردىن قويۋ بۇيىرىپتى. ەندى 1-2 اپتا دەمالىپ، جاتتىعۋدى قايتا باستايمىز. جاڭا جەڭىستەرگە، جاڭا جۇلدەگەرگە ۇمتىلامىز، - دەدى ازيا پارا ويىندارىنىڭ ەكى دۇركىن چەمپيونى نۇرداۋلەت جۇماعالي.
ايتا كەتكەن ءجون، 22-28 قازان ارالىعىندا قىتايدا وتكەن جارىسقا قازاقستان تاراپىنان 131 اتلەت سپورتتىڭ 14 تۇرىنەن قاتىسىپ، 8 «التىن»، 12 «كۇمىس» جانە 21 «قولا» مەدالمەن كوماندالىق ەسەپتە 11 ورىنعا تۇراقتادى. جارىستا سپورتىشلارىمىز، 3 ازيا جانە 4 ازيا پارا ويىندارىنىڭ رەكوردىن ورناتتى.
بۇل مەنىڭ العاشقى ازيا پارا ويىنىم. جارىس وتە قارقىندى ءوتتى. قارسىلاستارىم مىقتى بولدى. دەگەنمەن جەڭىستى قولدان بەرمەۋگە تىرستىم. بايراقتى باسەكەگە 1 جىل ۋاقىتىمدى ارناپ، جاقسىلاپ دايىندالدىم. ەلىمنىڭ كوك باراعىن كوكتە جەلبىرتە العانىما قۋانىشتىمىن. الداعى ۋاقىتتا پاريجدەگى پارا وليمپياداسىنا جاقسىلاپ دايىندالىپ، جەڭىستى قولدان بەرمەيمىز دەگەن سەنىمدەمىز، - دەيدى پارا جۇزۋدەن التىن جۇلدەگەرى كەنجەبەك دياس.
«ادىرنا» ۇلتتىق پورتالى
